قصيده عمرها 22سنه هل ترونها جديره بإهتمامكم

[poem=font="Simplified Arabic,5,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جـادت قريحتهـا بنظـم القوافـي=وقلـت أنابرقـد علامـك تغنـيـن

وقالـت تسلـى ماعلـى الله خافـي=وياكم سجن قبلـك عبـاداً مساكيـن

وانـا معـك سهـرانـه لاتخـافـي=الليـل أنـا وانتـه نخليـه ليلـيـن

وقمت ألحفهـا معـي فـي لحافـي=وقلت أنا محتـاج لـك لاتروحيـن

أنا كما مـن بـات عريـان حافـي=ماتو جميـع أهلـه ولالـه معزيـن

حتىالصديق أصبح مع الوقت جافي=تكفين لا مع من نسوا الحب تنسيـن

ولا بقالـي غيـر زولـك يشـافـي=جروح مسكنها بوسـط الضلاعيـن

واللي ظلم لـه ربنـا فـوق كافـي=لي رب يكفينـي جميـع الشياطيـن

ودار الحديث وجونا صـار صافـي=ماحولنـا نمـامـه ولا حسـوديـن

وقلت العلـوم وقالـت العلـم وافـي=لقيت في الطايـف قوافـي وتلحيـن

وقلت ويـن اللـي معاكـم يشافـي=قالوا عوض في الخرج بين المساجين

وجيـت يمـك يالكريـم السنـافـي=ويش الذي حدك على المنزل الشيـن

قلت إسمعي يـام الثمـان الرهافـي=ياللـي كلامـك بـه لقلبـي تسليـن

الحـظ طـاح ونورنـا صارطافـي=وراحو الذي كانو مـن أول قريبيـن

وفي الوقـت يامـن تنشدينإختلافـي=راحوا رجـال المعرفـه والقوانيـن

والبدو ترحل لـو يجيهـا الجفافـي=وانا إن رحلت أروح من وقتنا فيـن

مجبور أعا شر من علومـه تعافـي=من شان منهم ناس عندي عزيزيـن

وقبل مابد أ النـور قالـت عوافـي=لابد ما أرحل دامت النـاس لاهيـن

وقلت الـوداع وذي نهايـة مطافـي=مع بنت أهلها كل أبوهـم سلاطيـن

وصلوا عدد مـازار مسلـم وطافـي=علـى النبـي اللـي ختـم للنبييـن [/poem]