[poem=font="Simplified Arabic,6,black,bold,normal" bkcolor="transparent" bkimage="" border="outset,thick,gray" type=4 line=0 align=center use=ex num="0,black"]
ماني بدبش(ن) تسرحني تضويني=واناابن عود(ن) هل الأريا يصرفها
عود(ن) على الطيب والطاله مضريني=وإمن الدنس والردى نفسي منظفها
على طبايع هل الطاله مقديني=ولا اعطي الهينه ولا اتهدفها
شوري براسي ومرجلتي من يميني=والمعرفه ورث جدي ماأتسلفها
ومعزت النفس راس المال والديني=واسوق نفسي على درب(ن) يشرفها
والمرجله والوفى هذي عناويني=من بين روس الحباب ومن عوارفها
من خبرتن يوم عاد إن الزمن شيني=ربع(ن) على الطيب حاميتن مواقفها
وقت القسى والرخى والعسر والليني=تبدي وتظهر ولاكل(ن) بحايفها
وانا على سيرت الربع المياميني=اشد نفسي لوإن ماني بطايفها
واصد عن وجه من قيل ابو وجهيني=اللي علوم الردا والهون والفها
وضعاف الانفس لو ان بالحكي تعنيني=عيب(ن) لواطرد وراها واتوقفها
واهل الردا والبلاسه ما تدانيني=من الله ولا تضيفني ولا بظايفها
حر وابن حر واخاوي الشياهيني=اللي مواكيرها عالي نوايفها
وأهل الكرم والشجاعه والشلييني=روس الرجاجيل تعرفني وانا اعرفها
ولا هل الهون والله ماتخاويني=اهلا الردى و اللقافه ماأتلقفها
اهل الحكي والبلاسه والردييني=شذب العراقيب والنمه وظايفها
وجيههم قدرها تحت حذاييني=ناس(ن) على الهينه مدري إش مكلفها
وأهل السواليف ما تنفخ شراييني=بالمدحه اللي ماندري ويش مصرفها
هم إيش لوني خبل ولا عمى عيني=وخطتك ماني بعارفها وكاشفها
باروح روحت إمقيط ولا لكم فيني=ولا المراره سنين(ن) باترشفها
مدايح الوجهنه من شان تغويني=وتقول ان حامي الدار وطورفها
من شان تسلم وانا في النار ترميني=تحب نفسك ونفسي اتقول عايفها
لكن بدري وبه عود(ن) موصيني=على دروب(ن) إتجملني محارفها
ومن مدحتك ربي المعبود مغنيني=معاد ابيها مادام انك مزيفها
خلها لناس(ن) تبي تحرر فلسطيني=مهايطات السعه والضيق حارفها
ماني بمثل المهبل والمساكيني=اللي هل الغش والشرهه اتدفدفها[/poem]