ومن ذلك ما يقول الشيخ تركي بن حميد الذي ادى الهدو الى الشيخ محمد بن هادي:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اديت انا اربع قحص والخامس التوم = وقعود زبن اللي بغى ما حصله [/poem]
وكذلك الشيخ راكان بن حثلين :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اهديت لك نور السلف والجهامه= باغيك ذخر في مقاديم الايام[/poem]
وهذي حقيقة يخلدها التاريخ الى الابد لهذا الشيخ الذي يقود هذه القبيلة العريقه حيث يقول :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

انا جنودي كثر جوج وماجوج= وحريبنا لو هو بعيد نصيناه
حريبنا ما يمرح الليل مفلوج= الناس قد ناموا وعينه مقذاه
وعدونا لو قطب الليل بسروج= لزم يخلي منزله لا نصيناه
ذا قول من يلوي على الهرج بهروج= يلوي ولا يلوا على بعض ملواه[/poem]

وكذلك :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياتركي بن حميد وان كنت صادق= فارجع بقومك لا تولي دبورها
نجد تبرا منك وبنا ترحب= تبدي لك البغضاء ولا طعت شورها
فإن كان يابن حميد ما طعت ناصح= فتر الوعد لا من ركبنا ظهورها
فن كان جمعاكم خذت ثوب راعي= فتر جمعنا ما ياخذ الا ندورها
بني مظيم وان تولوك ساعة = يشدي ليوم الحشر نفخات صورها[/poem]وكذلك رده على بن حميد :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان كان رمحك باول الخيل ملحوم= فانا برمحي حامي نجد كله
عدونا لو جض ما هوب مليوم= واللي وراه يجض من جضة له
ان شافنا بالحلم فرقز من النوم= وان شافنا بالعلم بطنه يحله[/poem]وكذلك قوله :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لي لابة لا قلت للخيل رده= ترايعوا للهوش مثل الجمالي
وفعولنا بالضد كلن يعده= يعده الاول لنسل التوالي
ربعي لي اطوع من محب لوده=وانا بها اروف من مربي العيالي
اتبع مصالحم بلين وشده= واكسر بهم عظم الحريب الموالي[/poem]وكذلك قوله :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله يا منشي مزون طهايف= افرج لمنهو ما يجي درب منقود
اهديت انا الحرقا وقلطت نايف= وردوا علي الهدو ما ابغى له ردود
نايف على اسمه جا عديم الوصايف= منفله ربي على الخيل به زود
ابوه سباق لخيل الطوايف= وامه ثمنها تسعة آلاف منقود
يا شيخ لا تسمع هروج الحفايف= خذ جابتي يا منقع الطيب والجود
لو كنت عود لي فعول عنايف= وربعي تطاوعني على الهون والكود
حنا على ضدك جبال نوايف= وحنا لك اطوع من عنيبر ومسعود
لي لابة تروي حدود الرهايف= لا جا نهار فيه حاوي ومردود
ما نشتحن من حرب كل الطوايف= وألى بدى لازمك حنا لك جنود
شد العتيبي من ورا كشب خايف=ولا يحدر كود يبرا له القود
وشد المطيري من خشوم الردايف= وإن سندوا وردوا حنيظل وابا الدود
لي لابة ما جمعوا بالعلايف = من نسل قحطان وعزى على هود[/poem]