[poem=font="Simplified Arabic,4,black,bold,normal" bkcolor="transparent" bkimage="backgrounds/24.gif" border="groove,4,purple" type=1 line=0 align=center use=ex num="0,black"]
بديت القاف وأعدل مقاسه=على ترتيب تفكير التماسه
أحاول قدر تفكير الضمير= يصير القاف مافيه إنتكاسه
أهزه بعد قزه لايطيح=صحيح القول مايقبل طفاسه
ولا أخالط قصيره بالطويل=وأعزل الغزل من باب الحماسه
وأشوف الدروس عذروب النشيد=عزيز النفس مايقبل مداسه
وأحب المدح في روس الرجال=ولاأدخل نشيدي بالسيايه
ولاأمدح واحدٍ ماهو مديح=على سبة يقدم لي لهاسه
عزيز النفس من ناسٍ عزاز=عن الدنعات تبعدنا النحاسه
يعذربنا الزعل فينا سريع=ولانصبر على ضيم وتعاسه
أنا أحب النشيد اللي يفيد=تماثيلٍ بها عرف وبهاسه
أعبر عن ضميري بالنشيد=نشيدٍ ماخذيته بالدراسه
تعلمته بتفكير الفؤاد=خذاه العقل من تفكير راسه
غرايز بالنفوس لها رسوس=معانيها لبانيها حراسه
لقيت القول ميزان العقول=على مقدار نطق الرجل واسه
ولاتغتر في لبس الهدوم=كثير الناس مايسوى لباسه
ولاتنقد وهو ينقد عليك=ذكي العقل ياخذ من إحساسه
ولاتقصد بخيلٍ في جميل=ولاتشره على راعي الهياسه
ولاتظلم ترى الظلم محظور=على المقهور يرث به شراسه
مع الأيام يرث الإنتقام=ولانيضام من يلقا خلاصه
أرى الصابر على الظلم الشديد=كما اللي بالع شوك الهراسه
تحصل لذةٍ في نصر يوم= على الجبار لا وطا عطاسه
تواصيف الرجال لها مجال=كثير وكل عودٍ من غراسه
ولو بعض الغرايس ماتطيب=معادن فضةٍ فيها نحاسه
ولكن راعي الساس العريب=لزومٍ إنه يعرق فيه ساسه
عفا الله عن خطايا الأولين= هل الشيمات عدوان البلاسه
معدين الرذيل من النزيل=بعيدين النفوس من الدناسه
مخلصة الخصيم من الخصيم=صناديد الرجال أهل الرياسه
موطين العنيد اللي يزيد= ولوزاد العناد وقو باسه
معنوين العواني بالسلوم=حماة الملتجينمن العساسه
محاظين القصير من القصور=يعزون النمور من الباسه[/poem]