[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
إصعد سما وأترك هل القاع للقاع=وأرفع حجاجك للنجوم المطله

وخلك مثل ماقيل للعزم بتاع=مافيه صعب إلا وربك يحله

وأصبر ولا تبدي همومك والأوجاع=يشمت بك الحاسد وعرضك يفله

وخلك سوات طويق ثابت ماينزاع=ومهما حصل لايتضح فيك خله

والرجل مايلطم عيونه بالأصباع=والحكي مايرفع عفون المذله

ومن خل في دينه تردى ولا طاع=إبعد عن الفاسد وجنب محله

ترى الرجال أشكال وأجناس وأنواع=مثل المعادن والمعادن مقله

فيهم مروين الهنادى بالأوقاع=وفيهم كريم كل ربعه تجله

وفيهم سديد الرأي ويدل الأسناع=حكمه وحلم والقداء منهج ٍ له

وفيهم هل الطاعه وفيين الأطباع=بيض الوجيه الدين فيهم جبله

وفيهم لبيب لوالدينه ومطواع =بياض وجهه ناصع في سجله

وفيهم شريف صان عرضه عن الناع=ماوطي بأقدامه ولا درب زله

ولا أنسى رجال العلم في كل الأوضاع= عماد الأمه والوفاء هم هل له

والباقي أحياء شبه الأموات رتاع= نقص ٍ على الحيين في كل مله

ياهيه ياللي تطلب العز جزاع =سلايل الأمجاد سيف وسله

العلم من يتبع مباديه ماضاع =والدين نور من تقداه دله

والصدق فإن الصدق كالبدر لماع=وحفظ اللسان من الهروج المزله

وترى المعالي دونها يقصر أبواع=ويطولها من صامل القوم قله

وحفظ الشرف والنفس عن كل الأطماع=يسعد بها الأنسان في العمر كله

هذا وأنا من كثر ماشفت مرتاع= من وقتنا اللي كل كفو ٍ يذله

وصلوا على اللي بالهدى نوره أنشاع=شفيع الأمه والبشر منصت ٍ له[/poem]

__________________