كيبورديه














عنيفه















و في الداخل اعنف

















[poem=font="Simplified Arabic,6,crimson,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]



حنا بخير و باقي الناس في خير = و لا همني في الناس وصل و قطاعه
ضاقوا علينا .. وش حصل .. خير يا طير = الطيب حاضر .. والمراجل قناعه
في ذمتي مارد على مارد العير = اللي ورد ضامي و صدّر في ساعه
ميرادي اللي ينتحي بالطوابير = و لا يارده الا عظيم الشجاعه
طحطوح قومٍ ما أعرف المدابير = ما عندي الا جز راس الضباعه
من لابةٍ عند القبس نارها ضير = تقدح شرارٍ ما تهاب السباعه
قحطان طود الجود و الضد في بير = ما يرتفع ذكره و نكسر كراعه
صبينا فارس و هو عاده اصغير = يِسقى طناخه من حليب الرضاعه
و انا فقط واحد و عندي بواتير = اقطم بها راس العدو فـ اندفاعه
اسقي عدوي سقي علقم و قطمير = و من قو باسي ما تسره شفاعه
اما الخوي في مجلسي حلته غير = ملبوسه الحشمه و طيبي شراعه
قاله ابن مسحم في شرح المحاذير = اعلن بيانه و انشري يا اذعه
من ما جراله من فعول المصاغير = اللي تجارتهم من اردى البضاعه
سبّاقة الزله في عرض المقادير = نطاحة المقفي بجيد و براعه
و لا احدٍ يساوي رجلي اللي تبي تسير = للقمه العليا و طول ارتفاعه
و حنا حرارٍ و العدو ناحل الجير = يفرق هددنا عن خصيم الجماعه
من عِرفنا للعلم و حنا صقاقير = اما نحوف الصيد و الا مجاعه
نصفح عن المخطى لا ساق المعاذير = و اللي بدا بالشر نجتث قاعه
والشك زايل فـ الرجال المناعير = اللي تعرف حدودها و السناعه
كلٍ و حقه و السبب غلطة ابعير = شال الردي فوقه و غالي متاعه[/poem]





اجمل التحايا
ناصر السحيمي