[poem=font="Arial,6,white,normal,normal" bkcolor="transparent" bkimage="backgrounds/3.gif" border="none,medium,gray" type=1 line=0 align=center use=ex num="0,black"]
سج فكر الشاعر اللي يكتب المحبوكه=والله يجمّل حروف ٍ للنشـب فكاكـه

كل ماقمت اتهجد قلت باحـرق بوكـه=تطري اللي تعشق ابياتي وهي شكاكه

زمرة اشواقي تنادي ياعرب مشبوكـه=ماشبكها غير بنت ٍ عالقـه بشباكـه

القصايد في جلالتها تجـي مسبوكـه=وقلت ياشعري توجّه للغضي ثم حاكه

علم اللي صارت انفاسي معه مشروكه=ثم نوينا بالمسير وصرت ضمن املاكه

قل لها اني من جفاها طاقتي مصكوكه=عايش ٍ بين الخلايق والفكر بافلاكـه

قل لها ترجع وتبشر غيرها متروكـه=وانتقاسم حبنا اللي باقـي ٍ بعكاكـه

او بادور من يقاسمني براس الشوكه=وايتنقى من محيط الحب زين اسماكه

وانتسامر بالقصيد وشفّتـه مفروكـه=واقهر العذال في صوته وزود اضحاكه

ولا بدى خيط الصباح إختامها مبروكه=وايتقفاها المزيـد بسبّتـه وعراكـه

عشت ياصدري وخلك طايح ٍ بسلوكه=ولايفكك غير موتـك لافتـح شبّاكـه [/poem]

__________________

ديـوانـي الصـوتـي الـجـديـد