السلام عليكم ورحمه الله

اليوم ياشباب الأربعاء وطلعت من الدوام الساعه ثلاثه ونصف ورحت تغذيت كبسه

مع واحد بيبسي لحد ما انتفخت وتليتها نومه لحد أذان المغرب والمهم قمت وصليت

وقلت للمره بالله كاس شاهي الله لايهينك بس مور شقر

وقعدت أتصفح جريده والمهم شوي وجابت لي صحن فيه كاس مويه حار

وبرا فيه حبتين كيس شاهي ليبتون وبعد سكريه ونعناع وملعقه والمهم كلها في صحن وكل شيء لحاله

قلت وش ذا ؟ قالت خفت أساوي لك شاهي مور شقر وما أعرف اصلحه

فحطيتها كلها قدامك وساو لك شاهي مور شقر

قلت لها الله يعطيك العافيه وزين سويتي كذا خفتك تساوين لي شاهي مور شقر وتكثرين السكر..

وسلامتكم


ملاحظه من ثلاث نقاط :

1- أتحداك يابو جابر تطلع موضوعي مكرر ....ترى تقدر إذا أنت ذكي ...

2- عارف الموضوع سامج بس مايوصل لسامج بلس وحطيته من نوع الفرفشه في الصيف ..

3- لاتنسى تقرأ النقطتين 1 و2 للأهميه..

4- مافيه نقطه 4 لأني قايل فوق الموضوع ثلاث نقط بس ...

وإلى لقاء في سماجه قريبا انشاء الله مع الف تحيه

__________________



اللهم أرحم والدتي ..وأجعل قبرها روضه من رياض الجنه..واسكنها جناتك