قصيدة للشاعر: حامد بن غيدة ..
بســــم الله الرحمن الرحيم
السلام عليكم ..
يبت لكم قصيدة للشاعر الواعد: حامد بن غيدة ..
واهوا أخو شاعرنا : عايض بن غيدة ..
وان شاء الله تعجبكم القصيدة .. ^__^
+=+=+=+=+=+=+=+=+
يادهر شفت اللي كفاني من امرار
واخفيت ماشفته من اول وتالي
صحيح توي شاب لكن الاقدار
يادهر صكت بي جنوب وشمالي
اصبحت من تصريف الاقدار محتار
وشفت العنا يادهر مما جرالي
حملتني من جاير الحمل قنطار
واشتلت حملي يازماني لحالي
ان جدت مره يادهر تاخذ امرار
واليا اعتدلت تميل عقب العدالي
علمتني يادهر تعليم شطار
ومريت بي يادهر في كل حالي
علمتني كيف الوفى يرجع انكار
وعلمتني كسب الرخيصه بغالي
وعطيتني عن بعض الاصحاب تذكار
وبينت لي شيٍ خفا عن خيالي
يادهر لهل المال بالسلك تندار
وتقطع عن اهل المدح روس الحبالي
أنصحك ياباغي النصيحه والاشوار
خذلك كلامٍ مثل عد الريالي
لاينشغل وقتك عن الواحد البار
تراه عضدك في عسير الليالي
وامك وابوك وخوك والضيف والجار
لاترتضي في حقهم بالخمالي
وادمح خطايا القرم لو كانت كبار
خلك بعيرٍ للحمول الثقالي
وان جاك من نقالة الحكي ثرثار
لاتستمع له ياعساه الزوالي
وسافر وسج الرجل في درب الاخطار
فالعمر منزالٍ قفاه ارتحالي
الاسفار فيها فايدة علم واسرار
وفيها تميّز في فروق الرجالي
ولاتحطك تاجرٍ وسط تجار
ويصير منزالك مع الناس عالي
ولاتشتكي للنذل لوصار ماصار
ماينفعك لا صك جالٍ بجالي
فاليسر ماكنّه سوى ظلع سنجار
والعسر تلقى النذل جرفٍ هيالي
+=+=+=+=+=+=+=+=+
ان شاء الله نالت على اعجبابكم ..
والسمووحة ع القصور ..
^__^
تحيااااتي الدندونية وبس
محمد الامارات
__________________
.. [ مهما حكو .. ويحكون .. انا ولد ناس اجواد .. وأصل الجود من جودي ] ..
My site | My Tupe | My Flickr