هذه قصيدة لرفيق عزيز علي وهو خالد بن حامد بن مايقه الحبابي يذب فيها عن الحبيب صلى الله عليه وسلم
[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
خط القصيد اللي من الله مقبول=واحذر تأجل للجزيل انطلاقه
لا صار عقلي بالهواجيس مشغول=ما لي على ترك التماثيل طاقه
خطه وخل القول يا كاتب القول=للي يموت ولا يقول الحماقه
خطه وأنا بابنيه بالعرض والطول=حتى يزين ويستقيم بمساقه
خطه لعين اللي من الله مرسول=قلبي على سبه يزيد احتراقه
المثمر اللي اثمر اقوال وفعول=خير الورى غيم الوفا والطلاقه
الصادق اللي نور قلوب وعقول=واهدى لنا من خير الاصحاب باقه
طود ثبت من حوله افذاذ وزحول=الطهر ساسه والمعالي نطاقه
نجم الهدى نبع الندى وافي النول=مجمع معاني المعرفة واللباقه
حتيش يترك عرضة لكل مرذول=يشوه ويعيث فيه بنفاقه
يصول بالبهتان والغي ويجول=والمسلمين سكوت لاجل الصداقه
والله لو جاء السب في عرض مسوؤل=كنا قطعنا من زمان العلاقة
لوكان سيف الحق ما زال مسلول=والله ما تنبح عليه السلاقه
ما عاد تنفع عندنا انصاف الحلول=ردوا على راعي المحاقه محاقه
في ساعة التصويت نفزع على طول=نقول حق من حقوق الرفاقه
ولا اذا جانا من الدين مغلول=نحكم على كيس الدراهم وثاقه
والله لو نخذله ما هو بمخذول=من ربه اللي له يزيد اشتياقه[/poem]