السلام عليكم

اخوي معيض .. ما دام انك فضحتهم انا بعطيك اللي يمكن ينقال ..

بصراحة ما كنت مستعد لهم ... ما عطوني خبر الا وهم بالجمس رايحين لمطار البحرين




بعد ما شيكوا مع كاثي باسفيك وعينوا خير راحوا للحمامات وكشخوا بالجينزات حتى محد يعرفهم ...عموما اقلعت

الطائرة ... من حظ ابن خضير جلست جنبه وحدة صاروخ ...

طبعا الرجال متشقق بالانجليزي ...سالته المضيفة ... ايش تبي تاكل ... قالها Upside down يقصد مقلوبة


اما باقي الشباب نوم لين وصلوا هونغ كونغ

الورطة في هونغ كونغ .. عييوا يحملون خروف عاشق الليل ...

مسيكين .. يدور بين كاونترات الخطوط وخروفه معه لين وافقت الخطوط اليابانية على تحميل الخروف








اول ما وصلوا وفتح باب الطيارة وينقز الخروف ... وعاشق الليل وراه .. وراه بالثلج ... بس ماش الخروف انشط و اسرع

منه




المهم وصلوا تعبانيين ...


ثاني يوم رحنا جولة و كانوا ملتزميين ...

بالليل عزمونا ناس من الجماعة - يابانيين ـ واشوف الشباب عطوها الكاز ... تعرف اليابانيين بعد ما يتعشون يغنون

ويرقصون حتى ينهضم الاكل


هذا ابن عياف بعد ما تعشى




وهنا ابن خضير ومنصور يقومون بالواجب







المهم تركي وابو ريان وعاشق الليل ضبطوا امورهم وانسحبوا للفندق

وابتلشت انا مع الشيبان اسحب فيهم..


الشباب بالليل مع الصيد . . يبون يكرومن البنات ... يفكرون انهم بعنيزة ...جابولهن كراث وخبز حار وجبن قلاص




المهم

ثالث يوم نتمشى بالشارع والاخوان طايرة عيونهم ... من اللي حولهم بس الشوارع كلها لوحات تحذيرية







اشوف الشباب خافوا ... يقولون امحق من ديرة .. فيها مقص


المسكن تركي مرض ... جاه اسهال وكحه ... خرب على الشباب الوناسة

ولكن الحمد لله تعافا بعد ما وديناه للطبيب







للحديث بقية