الاخوان جميعا السلام عليكم ورحمة اللة وبركاتة
ملاحظتي عن نسبه ليست بالبسيطة من الاعضاء في مجالس قحطان
خلال تصفحي اليومي للمواضيع لاحظت ان النفوس ماهي طيبة , يعني فية ردود كثيره تدل على ان صاحبها في نفسة شي على كاتب الموضوع او احد اصحاب الردود
ويحاول انه
يا اما يتطاول علية برد جارح او يبي يبين ان الشخص اللي قدامه ما يفهم

انا بصراحه اتمنى ان الاخوان يكون بينهم رحمه على بعض ومقدريه والغلطان نعلمة بس باسلوب بعيد عن التجريح والتهجم اللي ماله داعي وبعدين كلنا نخطي وفيه اشياء كثيره ما نعرفها بس نتعلمها ونستفيدها من بعض , وما فيها شي ان الواحد ما يعرف في بعض الاشياء

انا والله فيه بعض الاسامي اللي ما ودي اذكرها كل ما شفت اسمه قبل ما اقرأ له اقول الله يستر , ليش !!!!!!!!!! لاني اعرف ان الشخص هذا ما يحترم احد والله ما ادري هل هو جهل والادفاشة

المجلس جمعنا يا عوال الشايب على محبه ان شاء الله واكيد انه ما حمسكم على الدخول له الا اسمة (يعني الواحد يدور على بني عمه ويستعز بهم ) ويكون بينهم المحبه والالفه ولين الجانب

والله يا الربع لا تفهموني غلط وتقولون ان المحيط يبي يسوي مثالي
انا انسان لي اخطاء واجد وابدأ بنفسي واعترف اني اخطيت في حق ابن وهف وابو زيد والاخ هاني والعريدي واطلب منهم السموحه لاني والله نادم على ما قلت ويمكن فيه غيرهم واذا فيه انا اطلب منهم السموحه بعد.

المجلس اجتمعنا فيه علشان نتقارب وليس العكس

وكلنا بني عم واخوان ان شاء الله

اتمنى تستفيدون من ابيات شيخ السلاطين محمد بن هادي الله يرحمه وتخلونها قدوة لكم في تعاملكم :

ربعي لي اطوع من محب لوده =وانا لهم اروف من ام العيالي

اتبع مصا لحهم بلين وشده =و اكسر بهم عظم الحريب الموالي