شبكة قحطان - مجالس قحطان - منتديات قحطان - عرض مشاركة واحدة

06-01-2008, 04:28 AM

ماجد الخليفي

عضو ذهبي

تاريخ التسجيل: Apr 2006

المشاركات: 15,133

ماجد الخليفي has a reputation beyond repute

سروال السنه ...

السلام عليكم

كثر الحديث عن سراويل السنة وقد قمت ببحث مطول عن مصدره ومنشاه من مصادر عدة من النت وكان اقربها البحث

التالي

طبعا المتحدث قصيمي لان مكتشف السروال قصيمي

اول شي..سبب التسميه...

ليش سمووه سروال سنه...هذا نوع من انواع الغش على المستهلك...تخبرون الاولين..يلبسون وزرات من تراثهم الي لايمكن

يتخلون عنه..جا واحد من التجار..توه جاين من الهند...و مجربن سراويلهم...جازن له..قال ابجيب منهن و ابيعهن..

قال له خويه...وشلون تبيعهن يالخبل..تبي تقلد هالنصارى....من اللحين اقول لك محدن شارين منك....بحل التاجر..

تروا قصيمي للمعلوميه..المهم..قال لخويه..لا يالخبل.. منيب بايعه بس تسذا....ابقول لهم ..

هذا سروال من السنه لبسه..و نهك عليهم..و فعلا هكوا على الخلق..و لصقت به التسميه الحاليه....((سروال السنه))..

اصبروا شوي يطلع عقال السنه

اللحين انقلبت..السالفه..صاروا الهنود يلبسون وزرات السنه

الحين نجي لاصناف الشعب في لبس سراويل السنه::

طبعن الفئه من سن الولاده الى حول 15...

هذولا,, نصيحه لوجه الله ..لحد يحاول يشوف سراويلهم السنه..

اذا جوا من المدارس.....وش تبون بس..حبر..شخاميط..و اذا صاروا لاعبين كوره..مكان الركبه ..اخضر....هذا غير

الشقوووق..و ما ادراك ماالشقوق...والله لو اجيب منشار..و اشق به السروال..مستحيل يصير زي الشقوق الي هم

يسونهن.....حالتهم تدعو للاسف

اما الفئه الثانيه..فوووووووق ال15.. و اتوقع اغلب اعضاء الاستراحة منهم.. .. هذولا ينقسمون لقسمين..

القسم الاول ...العصلاااااااااااااان...و اقصد العصلااان مرره....الي عظامهم مسويتن زوايا مع الاطراف...و غالبا الطاقيه

تصير مشلعه لفوووق..و الثوب يسحب .. و يصير بهم حدبه هذولا دايم..ما يدخلون الفنيله داخل سروال السنه ...

دايم طالعه .. وواصلتن الين الركب.. تشكون ان الي قدامكم باكتساني....و تراهم

دايم دلوووووووخ..الي يطلعون الفنيله.. ما ادري وش يبون ....بس ترااهم حليلين..ما بهم شر..

النوع الثاني...الدببه و العاديين...و لازم علامه الجوده....(((الكرررررشه))...طبعا لازم يدخلون الفنيله جوا سروال السنه..و

هنا سوف نرا المطاط حق السروال..و عرضه 3 سم....يرعص على الكرشه....عاد ماادري وشلون يتنفسوون..طيب ياخي

اشتروا سروايل دلتن..مطاطهن ضغير و لا يضغط..و مريح......طبعن احلى منظر لسروال السنه والفنيله..هو يوم

العيد...ابييييض و نظيف..و يفتح النفس.... بس بالايام العاديه..تعرفون السفطه الي تصير تحت ." .باخر السروال....الي وده

يشوف اعجب لون بحياته..

...ينااظر السفطه ..من عند الزاويه من تحت...سبحااااااان الله..كل الوان الشارع و قذاراته موجوده في تلك السفطه

الصغيره..

..و ترا هذا يشمل جميع الفئات العمريه....و لا الي يجووون كاشخييييييييين بالثوب الاصفر..توه مفصله ... همن تشوفوون

سروال السنه من تحت...ازررررق..منقوع بالنيله لين قال اميين..

..هذولا انصحهم..يروحون يعرضون بباريس..حراااااام الاناقه هذي تروح هدرا...

ولحد ياخذ كلامي جد...بس ودي نوسع صدورنا