بمناسبة حلول الشتاء أقدم لكم

أول مشاركة لي في هذا الصرح الشامخ

أرجو أن تنال الاستحسان


وهي بعنوان : ( زحمة السير )




[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياراكب اللي معجب"كل الانظار=متولعينٍ به عوام ومشاهير
صنعة ارجالٍ بيض قطمان وقصار=لكن حرامٍ فادمغتهم صعاطير
تفننوا في الصنع مسمار مسمار=لين انتجوا شيٍ يفوق المعايير
القصد ياللي تستمع جيب فكسار=امنزهٍ عن كل عيبٍ وتقصير
من شركته بالنقد مختاره (ا)خيار=بمواصفات بريمي وجاي تصدير
امطلعه بيدي من بريمي اصفار=بالسعر والتصميم يفرق عن الغير
الهدروليك مصممينٍ له ازرار=وفتحه وونش ولُك وسبير وسبير
وطبلون عاج وجلد مع شاشة اخبار=تعطيك عن نظم الملاحة تقارير
هذي احداثيات لخطوط وديار=وهذي خرايط حددت وجهة السير
وحساس امام وخلف ويمين ويسار=تعطيك معلومات وش صار ويصير
صوته ليا منه اشتغل يهمس اسرار=كنه وزيرٍ يهمس بعلم لامير
مكينته (في) (ايت)في وسطها نار=اربعة آلاف وسبع يانافخ الكير
لونه مهوب ابيض تقل لول محار=وعلى جنوبه من كتابة شكسبير
اتشوف برق الصيف في كشح الانوار=متشعملٍ خلفه (ا)قنوف ومعاصير
عز الله انه شيخ من وطيت القار=(ا)من آل ابو قيرين لا رحم ابو قير
هذا اختياري ماطرا القلب يحتار=حتى ويوم اختار ما احتاج تفكير
ابي انهمه لا انّست في كبدي امرار=لاضاق بالي من غثا زحمة السير
في صحصحٍ جايه من الوسم سبار=خمسة عشر يومٍ ونوّه مزابير
فيه النفل والشيح وازهار نوار=والقحويان ونفحة (ا)خزامها غير
تعطيك جوٍّ مادروبه هل البار=كان اغتنى عن خمرته كل سكير
وفيه ام سالم تعزف الحان مزمار=كنها تقول الله يحيي المسايير
عز الله انها عيشة العز والكار=وفي غيرها لايغبنون المناعير
قاله بداح الكودري سر و جهار=وتقبلوا منّه تحيه و تقدير
و(ا)ختامها صلّوا على سيد الابرار=رسولنا اللي فسر الدين تفسير[/poem]