[poem=font="Arial,5,darkred,bold,normal" bkcolor="transparent" bkimage="" border="inset,medium,red" type=1 line=0 align=center use=ex num="0,black"]
أبدى بذكر اللي عظيم الشان خالق البريه=رب رحيم نرتجي عفه من ذنوب وخطيه
الواحد الفرد الصمد رب كريم جل شانه=مكون السبع الأراضي والسما شفها جليه
أبدع وصور الأنسان وأحسن الصوره وجمل=وأسدل علينا من النعايم مالها عد وحصيه
وأثني كلامي بالتحيات العظيمات الجليله=على نبي الله فجر أيامنا وأتلى عشيه
لا والله الا تاصله لحظات عمري بالدقيقه=أزكى صلاتي والسلام أثنيه في جال التحيه
أنظم مثايل من بيوت الشعر وأسوي أتزانه=وأداعب أذن المستمع بأبيات شعر وجاذبيه
وأنثر ورود من حدايق شعري بصدق النصيحه=أسمع أسمع لا وركز وأسمع أبيات وفيه
الأسلام نعمه فأحفظ النعمه ترى الدنيا التقلب=واطلب منالله الثبات الحق في الدرب السويه
وأحفظ صالتك هي ذراتك هي نجاتك من جهنم=هي عماد الدين والجنات في الدنيا الدنيه
وأد الزكاه وصم وحج البيت كانك مستطيع=وأتبع نبيك ترى ما خاب من يتبع نبيه
ولا تهجر القرآن فالقرآن نور لكل ظلمه=كلام ربي به قلوب قاسه صارت طريه
والوالدين اللي لهم فضل علينا من قديم=في برهم ترضي أله الكون علام الخفيه
وأخوك عضدك في اللوازم فأحذر كسور العضود=أخوك درعك في الملاقى وسيفك بوقت الحميه
والجار له حق عليك أدمح خطاه ولا تبالي=لان النبي وصاه جبريل واكد في الوصيه
والخوي ثم الخوي ثم الخوي أحذر تخونه=خلك على وضح النقى زدله وزدله مقدريه
ياسامعي مات الغني واللي فقير ما معه شيء=وبعد القصور أصبح وحيد في الحياة البرزخيه
عز الفتى في الدين فبصر والله الله في التدين=وأسلك دروب الصالحين ولا تبالي في المنيه
وختامها سلامي ماهل المطر وأنشت مزونه=على نبي نزهه ربي من ذنوب وخطيه




[/poem]