الاخ سعد

السلام عليكم ورحمة الله وبركاته

رائعه في العتب

استخدمة قدراتك الشعريه لترسم لنا لوحه رائعه

تحتوي على الكثير من مجريات الحاه والحكم المنطقيه والواقعيه

الا ان صاحب القضيه لازال في قبضة الفؤاد رغم كثرة العتب والتشنيع

تقول
إنجاز .. ممتـاز ياقشـر الليالـي=كشفتـي اللـي صعيـبٍ إكتشافـه
طلاسم الوقت مـن سابـق وتالـي=قريتهـا بيـن وقفـه وإنحـرافـه
تعجز رجـال الفضيلـه والمعالـي=ومفكريـن السيـاسـه والثقـافـه
وجات الاجابه قبل لأنطـق سؤالـي=وهـذا يُعـد اختصـارٍ للمسـافـه
يابري حالـي مـع ياوجـد حالـي=خايف .. لو إني ما غير الرب اخافه

وهنا تستقوي النفس في العتاب وتقسو

مجبور ..معـذور بآشـد الرحالـي=وهمومي اضيوف والصدر الضيافه
فقدت انا مكسبي مـع راس مالـي=وهـذي سـواة الميانـه واللقافـه
الحبل مـن كثـر لفـات المحالـي=لو ما انقطع يمكن يصيبـه نحافـه
إلا المتين القطيـب مـن الحبالـي=يبقـى ولا يتلفـه كثـر التفـافـه
ماهيب لك يابـن حاميـن التوالـي=جبت اللكاعه علـى هيئـة طرافـه
المر ذوقـه كـدر والحلـو حالـي=واللي حصل تعرفـه ماهـو بتافـه
مثـبـتٍ بالغـروبـي والـزوالـي=الحادث اللي حـدث ماحـي شافـه
اهـم شـي تـعـرف ياهمـلالـي=ماني ضعيّف ولا آحـب الضعافـه


وهنا تقسو على النفس وتقدم تنازل الكرم والشهامه

من حقك اسكت والو ماني بسالـي=ومن حقي اصبر واقول إنها حرافه
مافي الغلا شك وتبقـى دوم غالـي=رغم الزمان المخوْف والا إختلافـه
إن رحت وإن جيت لك منزال عالي=وابليس ملعـون .. مفتـولٍ كتافـه

ومع ذلك يبقى في النفس عتب

وإن سج بالك ترى مرتـاح بالـي=والنفس والله مـا الحِقهـا حسافـه

رائع ياسعد.....زدنا ......زدنا.....يافيلسوف الشعر