هذا لغز يا جماعة الخير
افزعو للبنت لا تاكلها وحوش البران

هاذا يا طوال العمار يقول لك فيه بنيه راحت في بران الربع الخالي مع اهلها واهلها ما شالله عليهم واجد ((( حموله كنهم رز في قدر قحطاني هههههه )))
المهم البنت مع الزحمه وفي وقت الشديد والمعاواد لديره راحت تمشى المهبوله فوق راس طعس ثمن سبحة في خالها وقامت تغني ((( يا فاطري روحي لكان منتله من ديرة الغرب يا وجناهي هجي بي عواطف (ن) تنقل المحزم مع السله ومشوك يدهر مثل المشهيبي من ولبهم غادين نجدن لهم كله من الحصاتين لا دلقاين وذيبي الله الله ))) بس تراى ماهي من ال عاطف ههههههه بس بيوت الشعر عاجبتها الماخوذه
المهم اهلها شدو ومن كثرهم ما دروا عن بنتهم الخبله حريمهم واجد عشرين عباية متلاصقات في غمارة البقس (( الجمس ههههههه )) كنهم بيدجان (( باذنجان))) مرصوصن في باغه
المهم عقب ما شدو ووصلوا ديرتهم تفقدو العدد سوو تكميل للموجودين ولقو بنتهم الخبله مفقوده وسجلوها خارج طابور ههههههههههه المهم انهم عشان يرجعون ياخذونها يبي لهم سبعة ايام
البنت قامت تشوش عمرها وتصيح ياطر جيبي طراه يااااااااااااااوك يابري عودي برياه ياوالله الي كلاني الذيب يا والله الي بيجوني السرابيت ذلحين المهم وهي تصيح شافت في عرضن من الصحاري خيمة شهباء لهلباء وراحت لها تسعى ويوم قالت ياعرب ياعر احدن هنا طلعت لها ذيك العجوز الي خشمها كنه تمثال جيب وفي راسه دمل ويديها عروقها تلاوح قال هاوجع هاوجع وش تبين جعلتس حديب الارقط يا العره قالت تكفين يا عجوز الرحمن اهلي خلوني وابي ارقد عندتس لين يعودون قالت اسكني مرحبا ومسهلا غير ادفعي حق السكن قالت لعنابيتس ما نبي سارقتس قالت لا مانيب قالت هجل بعطيتس لحظه بفكر واعود عليتس البنت معها سبيكة ذهب ((( لوح كامل مجزء سبعة اجزاء كل جزاء عليه رقم من واحد الى سبعه ))) ومعها مشرط مقص يقطع مرتين فــــقط الثالثه ينكسر
ذلحين هي خايفه تعطي العجوز كل السبيكه ثمن تطردها العجوز لمنها اصبحت


السؤال او الغز هو ((( س : كيف تعطي العجوز كل يوم حقها يوم بيوم ؟
المعطيات 1/ سبيكة ذهب (( لوح كامل مجزء سبعة اجزاء مرقم من واحد الى سبعه
2/مشرط او مقص يقص مرتين ثمن ينكسر
3/اجرة اليوم لازم تدفعها البنت للعجوز الحراميه يوم بيوم حق اجرة سكنها

اسرعوا بالحل يا نشامى


اخوكم خيال الزرقاء