[poem=font="Simplified Arabic,6,black,normal,normal" bkcolor="transparent" bkimage="backgrounds/6.gif" border="none,4,gray" type=1 line=0 align=center use=ex num="0,black"]


بدينا بذكر اللـي خلـق كـل زوجينـي=
ونجا سفينـة نـوح و أزواجهـا فيهـا
ألة علـى مـا أقصـد بفضلـة يقدينـي=
سبحانـة ألـهـن خلقـهـا و مفنيـهـا
و أنا خضت في الدنيا ليا بحر تسعينـي =
و اخذت التجارب من تخاليـط اهاليهـا
تجاريب و أقـدم لـي عليهـا براهينـي =
تناولتها من سايـر النـاس و اعطيهـا
عسى اللي خذيت من التجـارب يكفينـي =
و نفسي عسى كثـر التجـارب يقديهـا
و انا بنصح اللـي للنصايـح موديني=
على الراغبيـن بغيـر الأقيـام نهديهـا
نصيحة مجرب جرب الزين و الشينـي=
و دنياة جـرب مرهـا هـو و حاليهـا
ترى رفقتن ماهيـب رفقـة شريفينـي =
ولو طالت السيـرة يبيـن الخلـل فيهـا
و انا أدخل على الله من مماشى الردييني =
و من عاشر الرديـان يمشـي مماشيهـا
يجيك الـردي متولـم لـك بوجيهينـي=
يبي منك يبعـد ذي و هاذيـك يدينهـا
فلا منة أخطـا حـاول انـة يخطينـي =
يبي غلطتة كـودة يجـي مـا يغطيهـا
يروح البنا ملحن و صبخن على طينـي=
سـدا فـي نـدا متخالطاتـن بلاويهـا
ولا شك وين القـى رفقيـن يصافينـي=
رفقين على صعب المواقـف و قاسيهـا
رفيقـن ليـا منـة بـدا النـد يشفينـي=
ولا منة بدا لي حاجتـن يشتقـي فيهـا
و أنا أعطية ما يطلب و من قلت يعطيني=
و على غالي الحاجات ما هـوب يغليهـا
لامنة بدا لة حاجتن قلـت مـن عينـي=
و أنا لا بدا لي حاجتـن قـال هاكيهـا
رفيقن علـى الدنيـا مـودن مماشينـي=
رفيقن على كدر المشـارب و صافيهـا
أنا أشكي على نفسي و شكواي تشكينـي=
ولا تنتصف نفسـن نصفهـا شكاويهـا
الا با اللحى من بعض الأشخاص تشكيني =
أخليـة يذلـف و أتسـع فـي محانيهـا
مناحي كنـوف الأرض دونـة تسلينـي =
على قربة أفضل سعة الأرض وأغليهـا
أنا أرغب على قربة و أفضل حدا أمريني =
سعة الأرض ولا الناس ما أفهم لغاويهـا
الا صار ما يفـرح لعـزي و يغلينـي =
ببيـع أختـلاط بـة و فرقـاة بشريهـا
ببيعة و أبيـع القـرب منـة بقرشينـي =
علشان تبـرى النفـس ممـا وزا فيهـا
الا صار فـي الدنيـا رفيقـن يخلينـي =
فبخليـة فـي دنيـاة مـا كنـة بفيهـا
باخلي على قـول المثـل فيـة يكفينـي=
يقول المثـل يبغـى دواهـا و يعميهـا
باخلى عمـاه دواة مـا أبيـة يعمينـي =
و بترك عما عيني يجي مـن مداويهـا
الا صار غاوي عاش بأفكـار غاوينـي=
فحياتـة شماتـة و الفضايـح بتاليـهـا
مسكين يا غادي علـى طـرق غادينـي=
على أسبـال ناسـن للتاهلـك توديهـا
مسكين يـا مسكيـن مسكيـن مسكينـي=
تصلـي النفايـل و الفرايـض تخليهـا
لا صار ضيعت الفرايض مـع الدينـي =
فنفيلتـك مـا تنفعـك مهمـا تصليهـا
مشـاك تركـك واجـب المستحقيـنـي =
و حاجات غيـر المستحقيـن تقضيهـا
ولا صار مـا يدهـل محلـك بزيينـي=
تقل ما تقل أو مـا تقـل أو تقـل فيهـا
فالزم ما على البعد مـن كـل الأثنينـي=
يهـدم المعـزة يحسـب أنـة بيبنيهـا
سلوم العرب ماهـي سوالـف مسلينـي=
سلـوم القبايـل حـن أهلهـا و نبغيهـا
ومن صـار مستغتـي فمنـة غنييينـي=
عزيزين و أنفسنا علـى العـز نغنييهـا
أنا أفضل أكل مـن جرايـد ذراعينـي=
ولا أصل لئيمن لحاجتن أقصـدة فيهـا
لأن اللئيـم بقـول الأمـم القديميـنـي=
يقولـون لا أكرمتـة يمـرر حلاويهـا
فبعـد لةاستبعـاد و بعـدن و بعيدينـي=
و بعدت و بعد الأستبعاد بعـدن يواليهـا
و من عادتي ما أشبح خلاف المصدييني=
و عينن تخالف نظرتـي ليـة اراعيهـا
و حنـا الا متنـا بنلقـى معزيييـنـي =
بنلقى و جثمانـة لهـا مـن يعزيييهـا
و من صالحي لامات ما تفقـدة عينـي=
حياتـة و موتـة لا توفـي يساويـهـا
فحل من أفحول الحيوانـات المساكينـي=
قلال الشبور اللـي اقصـارن حواميهـا
يعرض على الممسين و يقول سارينـي =
من النقص كـن باقـي لياليـة ساريهـا
ما يفهم نهار السبت من يـوم الأثنينـي =
و أنا أفضل الجمعة على اللـي يواليهـا
هذا شرح منهو جرب الزيـن و الشينـي =
دنيـاة جـرب مرهـا هـو و حاليهـا
ترا رفقتن مـا هيـب رفقـة شريفينـي=
ولو طالت السيـرة يبيـن الخلـل فيهـا
و صلوا على سيد البشر يـا المصلينـي=
عددما مشت الأنـواق و أذرت مذاريهـا[/poem]

__________________