%%% /// اللابة اللي تحتمي شمخ النيب /// %%%
بسم الله الرحمن الرحيم
السلام عليكم ورحمة الله وبركاته
أضع بين أيديكم هذه القصيدة التي ألقيتها في حفل العشاء الذي أقامه / عبدالهادي بن شجاع آل حارث الفهر بحدباء قذله أثناء إقامة مزاين إبل قبائل قحطان .
[poem=font="Simplified Arabic,6,black,bold,normal" bkcolor="transparent" bkimage="backgrounds/15.gif" border="double,medium,gray" type=2 line=0 align=center use=ex num="0,black"]
يا مرحبا بضيوفنا والاصاحيب = عند الفهر ما صال فهري وجالي
ترحيبنا رمز الكرم يا لجانيب = ويستاهل الترحيب من كان غالي
في مزاين ابل اهل الوفا والمواجيب = اللي لهم ذروة سنام المعالي
اللابة اللي تحتمي شمخ النيب = يوم الزمن ما بين ذا لك وذا لي
لا وصلت (ا)نفوس الرجال التلابيب = احد(ن) ثبت واحد(ن) غدا له جفالي
ترعى بهيبتنا زيان الحنازيب = جنوب الارض وشرق ولاّ شمالي
يبرا لها كل ابلج(ن) يكسب الطيب = معرب(ن) ما بين عم(ن) وخالي
لاصار ولاّ صار ولاّ عوا الذيب = يرسي كما ترسي رواس الجبالي
صبي قحطان(ن) عطيب المضاريب = قوله على فعله وفعله مثالي
تلقى الكرم في مجلسه والتراحيب = متعب محاميسه ومفني الدلالي
لا بركت تبغى القرى والمعازيب = إتسابق المعناز حمر الزوالي
وتكبب الخرفان فالحال تكبيب = كرامة(ن) لمكرّمين السبالي
ومجلس صبي قحطان يزهى التعاجيب = من جاه ضايق راح مرتاح سالي
له نية(ن) عليا وله راي(ن) مصيب = ونفس(ن) عزيزه شامخه فوق عالي
وله فزعة(ن) منها خصومه مصاويب = وله وقفة(ن) تعجب قروم العيالي
وصبينا يقلط على المدح ويجيب = وذخر(ن) لا منّه شان وجه الليالي
منزّه(ن) نفسه عن النقص والعيب = ويفداه من راسه من الطيب خالي
يوم(ن) بعض المدح يخطي ولا يصيب = المدح في غيره حرام(ن) يقالي
لا شك في مدحي لربعي ولا ريب = بمدح . وبمدح كل ما جا مجالي
والمدح للي ما لحقهم عذاريب = اللي بذل جاهه وغال الحلالي
ما يكنز رياله بدرج الدواليب = ويرخص ال من ينصاه ما كان غالي
منفق(ن) ما ضم بوكه مع الجيب = ما يستريح وخابر(ن) به ريالي
يعطي ويعطي في رجا عالم الغيب = يسأل كريم ولا يرد السؤالي
في خدمة ربوعه تحمل لصاعيب = نال الثنا والمدح والطيب نالي
ترفع له البيضا بروس المراقيب = بياض وجه فال وايضا عقالي
وحنا دروع الدار والخالق (ا)يثيب = دون الوطن ترخص عمار الرجالي
خدمة وطنا عز وأغلى المطاليب = ويبشر بنا لا اصتك جال(ن) بجالي
في ظل شيخ(ن) ماضي(ن) له تجاريب = لو مال عدل الوقت عدله ما مالي
ويا مرحبا عند الفهر والف ترحيب = (ا)عيال مفلح محتمين التوالي[/poem]
وسلامتكم