[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
قالو البدو للمرباع راحو شمال=قلت واللي على بالي معاهم رحل
لا سقا الله يوم البدو شدو الرحال= شرقة الشمس راحوبه وخلي المحل
مرني يقصر الخطوه وزاد الهبال=يوم يمشي على هونه وكنه عجل
التفت لي وانا واقف ومشغول بال=وشفت في نظرة عيونه خيوط الأمل
سلهم بعينه السوداء موادع وقال=خذ عهودي وميثاقي وما قل دل
قلت داري وفيك الشك ماله مجال=ولا لغيرك بقلبي وانت داري محل
شوف عيني خوي ضعونهم لين حال=دونه اقصى مدى للشوف والليل حل
وبعد يوم الرحيل امسيت والليل طال=هم ووهام واحزان وعذاب وملل
قالو الناس وش مشغلك يابن الحلال=لا تهوجس وكن لصبر بال ومحل
قلت لا سج بالي مر مثل الخيال=وانا فكري مثل عود ظمي واضمحل
يابدو كل ما هبت هبوب الشمال= حن ظامي الجنوب اللي حبيبه رحل[/poem]