[poem=font="Traditional Arabic,5,red,bold,italic" bkcolor="transparent" bkimage="" border="double,4,gray" type=0 line=0 align=center use=ex num="0,black"]
يامسـندي عطني القلم هات قرطاس = نعطــيك مـن زين المثآل ســميني
وقرب لنا كوم السمر واسحب الفاس = وكسـر حطب ياجعل عمرك اسـنيني
وأخـذ الجروم اللي مـن العـام يباس = ثم حـطـها تحت الســمر ياعـويني
وأشعل لنا ضؤن تقل ضوْ الأعراس = وأدن الـدلال وخـل جـوي يزيـنـي
واحمس لنـا بـريـة تـقعـد الراس = وأحـرس على سـوايها يالفطـيني
وزود بها هيلا دواء كل عـوماس = جابوه منهم للـكـرم محتســيني
وأسـكب لنا فنجال ياطيب السـاس = وأســهر معانا لين صبحي يبـيني
هاضت علي ذيك المشـاعر ولحساس = والدار مـن بعد الحبائب تشــيني
أجلس مـع الجلاس ماشـوف جـلاس = وإن ســـولفو لـكنهم سـاكتيني
والحر ما يصـبر على عيشـة الحاس = وأنذالـها مـن خيرها مهـتـنـيني



للشاعر = الملهبي [/poem]


آمل أن تنال إعجابكم ..
ودمتم بعز ..


أخوكم
الملهبي

__________________
[poem font="Simplified Arabic,5,black,bold,italic" bkcolor="white" bkimage="" border="double,4,red" type=0 line=0 align=center use=ex num="0,black"]
اللي يرحب مرحبابة تراحيب = واللي تعدى جعل دربة سماحي
حنا لذربين اليماني معازيب = ولا الردي ماهمنا وين راحي
نشرة على اللي عارف للمواجيب = اللي ركض للمرجلة ماستراحي
للشاعر = الملهبي
أنا الملهبي ياللي تعرفون بالأنســــاب= من آلاد رائق من شـيوخ لها مـيقاف
وأنا عز من يزهم جنابي وهو منصــاب = من آجله تروح الروح في ساعة تنشاف
وعسى الله يٌـبعد حزٌة الشر والأنشــاب = نبيها تروح أبعيد وإن قربت مانخـاف
ولا أحْدٍ يدِور للقشـر والقشـر ماغـاب = تجيبة لك الأقـدار وتأتي به الأصـداف[/poem]