اررررررحب اخوي ابو جابر وحياك الله يالغالي عندي
بالنسبة الى سوالك الاول صراحة يبي له تحديد هل تقصد الامريكان بشكل عام او الطالبات السعوديات او المسلمين بشكل عام،،، لان الامريكان ليس في تشريعهم ان يلبسوا الحجاب،، بالنسبة للسعوديات ماشاء الله عليهم نسبة كبيرة ولله الحمد من المحافضين على عفتهم وحجابهم،، اما المسلمين نسبة طيب ولله الحمد يلبسون الحجاب ونسبة ضيئلة ياخذون الحجاب معهم في الشنطة لكي يرتدووه اوقات الصلاة فقط

نجي لسوال الثاني وهو سوال يبي له حوسه وتفكير عميق
التعليم عندنا مناهجه قديمة( طبعا انا اتكلم عن العلمية ليست الدينية) يبي لها تغير،، مثلا عندك الحاسب باقي يدرسون نظام الماكنتوش والناس يستخدمون الويندوز الاكس بي وباقي يدرسون حاجات قديمة جدا لم يعد لها فائدة،، مثلا العلوم لو يعيدون صيغته لان اكثر المعلومات معروفه من قديم،، وهلما جرا
بالنسبة للكتب الدينية اتمنى انهم يزيدون في حصصها حتى تاخذ حقها من التعليم

السوال الثالث ياابو جابر
انا بصراحة اقولها دائما وكنت افكر اني الوحيد اللي يقولها
الشعب الامريكي حبيب ولو انهم يحبون الفلوس بزيادة ولكن ماشفت منهم الا كل خير وهذي لازم اقولها لان المسلم ماينكر المعروف حتى ولو هو من غير مسلم،، بعكس الحكومة وحتى لو تلاحظ كل يوم يسوون مظاهرات ضد سياسة الحكومة ، واكثر الامريكان يقولون لي
لما ترجع للسعودية قول لهم ان الشعب غير الحكومة واننا نحببكم ..... الخ
الزبدة
بالنسبة للراحة الحمدلله والله يديمها نعمة ويعز الاسلام والمسلمين،، المسجد جنب البيت والجامعة جنب البيت

بالنسبة انتقالي من الهجرة الى امريكا
انا قبل امريكا انتقلت للرياض لمدة تقريب سنتين،،، وهذي السنتين اللي مرضت فيها من جد وحسيت بالغربة لاني مااكلم الاهل الا في الاسبوع مره وذلك لارتفاع اسعار المكالمات ،، ولكن حينما جيت امريكا اكلهم يوميا حتى بالكاميرا مجانا يعني احس اني اقرب لاهلي هنا اكثر من ايام الرياض،، وثانيا الحمدلله اخوي معي في امريكا ولو انه بعيد جدا يعني تقريب بيني وبينه 15 ساعة

بالنسبة للنظام التعليمي هنا،،، تقريبا هو نفس الشيء الى درجة كبيرة ولافيه اي اختلاف،،، بالنسبة لتعاملهم معنا يتعاملون معنا كطلاب اجانب ،، وهذا افضل يعني لا يعاملونك كما يعاملون الطلاب الامريكان وذلك لمشاكل اللغة او حتى المساعدة بالجامعة ،، فلذلك تجد في كل جامعة مكتب يقال له مكتب الطلاب الاجانب (International Students Affairs Office) وهذا المكتب يهتم بمساعدة اي طالب اجنبي وليس شرط ان يكون سعودي

سوالك الاخير عن مدى تشجيعي لك

هذا القرار يعتمد عليك ااولا واخيرا

والله اذا انت تحس نفسك فيك شدة للدروس الغربة ليش لا،،، فقط ارسل لي اوراقك واضبط امورك باذن الله

تحياتي لك واشكرك ياابو جابر على المرور والاسئلة