..:: شاعر ::..
مراقب سابق
تاريخ التسجيل: Dec 2006
المشاركات: 1,156
رد : بإسم اللذي بإسمه شفاء كل الأسقام
اقتباس:
|
المشاركة الأصلية كتبت بواسطة خليل المطيري
بسم الله الرحمن الرحيم
السلام عليكم ورحمة الله وبركاته
هذه أول مشاركة لي معكم في هذه المجالس العامرة
أبيات متواضعه .. كتبتها كدعاء بالشفاء لــ سلطان بن سعود بن دليم
نتمنى له الشفاء العاجــــــــل .. حيث وقع له حادث .. قبل أيام
[poem=font="Simplified Arabic,6,firebrick,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بسم اللذي بإسمه شفاء كل الأسقام = اللي خلقنا من عدم رب الانام
الواحد المعبود علام الأرحام = سبحانه اللي تسجد الخلق لرضاه
اللي يقول ادعوا وانا باستجيبي = ماخاب طلابٍ طلبني قريبي
يوم الدعاء للي وهبته يصيبي = ادعوا وكلٍ يطلب الرب مولاه
صلوا على الهادي رفيع المقامي = محمد المختار ذاك الامامي
صلوا عليه وزودوا بالســــلامي = شفيعنا يوم الحشر ما نسيناه
العبد عن غير الولي وين يلجأ = سبحانه اللي مالنا منه منجا
إلا إليه وكل الارواح عرجــا = يا رب علمنا الصبر كيف نقواه
العبد لا منه دعاء في سجوده = اقرب إلى ربه وفاله يقوده
ما خاب من علق بربه صموده = واحيا زمانه بالدعاء والمناجاه
يا الله طلبتك يا جزيل العطايا = يا واحدٍ يعلم بكل الخفايا
طالبك يا مولاي سدد خطايا = واغفر ذنوبٍ فوق قلبي توطاه
ياشافي الاسقام يا شافي ايوب = تشفي مريضٍ حاله اليوم مصيوب
وتِفرح نفوسٍ صابها هم وكروب = انت الكريم القادر اللي طلبناه
الهم صاب النفس والحال حاله = يارب لطفك سامع لمن شكاله
الطف بعبدك يوم قدم سؤاله = انت الشفاء وانت الدواء اللي نصيناه
يا كم مريضٍ في زمانه يعاني = يبغى الشفاء والمشي لوهي ثواني
يشكي المرض ويقول ربي بلاني = والصبر زين أليا عرف ويش بلواه
يا رب يا سمع دبيب النمالي = في صخرةٍ صما وظلمت ليالي
يا عالم الأحوال في كل حالي = تقبل دعاء منهو ينادي بشكواه
سلطان ولد سعود شيخ القحاطين = ابن دليم الشيخ ولد السلاطين
ريف الضعوف وريف كل المساكين = لو ينفدا بالعمر حنا فـــديناه
ابوه في جلب المراجل تعلا = له في قلوب الناس ذكر ومحلا
كريم والاخلاق فيها تحلا = ماهو مثلٍ ناسٍ تحب المراواه
تشهد لطيبه كل كل المواقف = وعن فزعة المضيوم ماهو بواقف
نعم الكريم اللي على الخير واقف = ذي سيرته من يوم صغره ومنشاه
سلطان بالمشفى وكلٍ يزوره = كلٍ يسجل بالزياره حضوره
يارب يا رحمان شيل الخطوره = واسعد قلوب اللي تناظر لعيناه
من يوم غاب وكل الأنفس مريضه = وانت العليم اللي فرضت الفريضه
يا رب يا رحمان هاذي عريضه = مني ومن ربعه ومن كل خوياه
يا جالي الغمه ويا كاشف الكرب = يا رب يا الله يارب يارب
يا وحدٍ لا من نصيناه يقرب = ندعوك تشفي من طلبناك ترعاه
وآخر كلام اللي دعاء من ضميره = يا رب يا علام كل السريره
صلي إلهي عد وبل المطيره = على الشفيع اللي على الحوض نلقاه[/poem]
أخــــوكم
خليل المطيري - حسام الشعر
|
العزيز خليل المطيري
صح لسانك
بيض الله وجهك على هالقصيده وفالك المليون ولا فيك حيله
تقبل تحيات اخوك
__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]