قصيدتي في حفلة طريب في الصيف 1427هـ

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
كانها بالحب فاحب داري هي طريب=وكانها بالموت فاموت دون المملكة
اسمحو لي قبل اسولف واغني في الحبيب=ودي اشرح سبة الموت وقت المعركة
جعل مايبقى من الجسم عضو فيه طيب=ويتمزع والدكاتر ما تقدر تدركه
لانه افدا مملكتنا وللداعي نجيب=لا قدح زند الفتايل وصارت مهلكه
دارنا حنا هلك والخوارج ما تطيب=الملوك ملوكنا والحدود مشبكة
الملوك خوان نوره عما عين الحريب=عيال عود حكم جده وابوه استدركه
ساق خصمه لين جرحه غدا دمه صبيب=ثم شتت شمل خصمه وحكمه فككه
ذاك ابو تركي جمع شملها صا ر الطبيب=لملم جموع الجزيره وهي متشربكه
لين رسا الحكم بالدين والراي المصيب=والعداله سيفها جاهز ما يتركه
ثم سلمها عياله كما سد قطيب=الملوك اللي بشرع الولي متمسكه
الملوك اللي يذري ذراهم في اللهيب=مزبن اللي حده الوقت والهم انهكه
بالساسة والرساوة وفكر ما يخيب=ما يهم اخوان نوره نفوس مشككه
اينعم والله احب الوطن ما هو بعيب=حبه بقلبي نبض به وصار يحركه
اسمحو لي ودي ارجع واغني في طريب=لوحة من فكر خالد صباها تفنكه
بيد ابو بندر رسمها ودهنها بطيب=لين صارت درة وصلها كل بركه
خالد الفيصل عسى شمس عزه ما تغيب=المهندس للسياحة بذل ما يملكه
خطط وهندس وفكر وتفكيره عجيب=والمشاريع انجزتها عقول مدركه
اجبر السايح يجيها وفكره يستجيب=غصب لا من شاف كل الدروب مفلكه
يرتبط بابها ويرجع بلا شك وريب=والامن والخير مع كل درب يسلكه
وبو خالد نايبه راعي الصدر الرحيب=فيصل راعى الجمايل وصوبه مدبكه
الامير اللي بجهده يوطي للصعيب=مزبن اللي مسه الفقر والدين اهلكه
في طريب للمصيف صفا جو وشعيب=سهلها ردد قوافي الامير ويحبكه
بامر ابو بندر وابو خالد صارت طريب=للسياحة معلم كل شخص يدركه
ياطريب استبشري بالسياحة من قريب=صار لك وسط السياحة مجال وحركه
يالله احفظ مملكتنا من الفكر الغريب=شلة وسط القنابل رداها تشركه
في ظلال املوكنا اللي تذري للصحيب=والعدو تاطاه ويصير زاد المعركه
تمت ويا جعل قافي جديد ما يشيب=يمكن يقراه خالد زعيمه وملكه[/poem]


أخوكم الشاعر / سعد بن خاطر القحطاني