ياعبيد لاتبكي تراالامر من فوق= والي من الله مامعي فيه حيله
أصبر ولو ثوبك من الكتف مشقوق= وش عاد لو ما تحت ثوبك فنيله
الخالق الله وانت ياعبيد مخلوق= والرزق عند اللي ينشي المخيله
متمسك بك وانت ياعبيد موثوق= يوم انت تالي عزوتي بالقبيله
ياعبيد خلك لي وانا ابوك صندوق= ولاثقل حمل الوقت عني تشيله
وابعد عن اللي يتهم الجار بالبوق= وخلك بعيدٍ عن دروب الرذيله
ولمثال قالت كل مطرود ملحوق= والكون واسع والليالي طويله
ومن يعمل المعروف يلقاه مطبوق= ومن يزرع العنبر يفوز بحصيله
لابد ماتنور لياليك بشروق = وماهي عليك ولا علي مستحيله
ولا من فرجها الله نبي ننزل السوق = ونشري من الغالي ثياب جميله
ونشري لك السيكل مثل حق مرزوق= وياتيك مرزوق الحمد ماتجيله
مش الدموع اللي تحدر على الموق= الرجل لامن سال دمعه يزيله
واليوم لاتبكي ترا الامر من فوق= واللي من الله ما معي فيه حيله[/poem]

في رائيي ان كل اب او رجل يجب ان يقرا هذه القصيده ويفهمها ويفهمها لاولاده فهي بحق ابداع من الشطر الأول الى اخر شطر
رحم الله الشاعر وجزا الله الكاتب خيرا على هذه اللفته الكريمه
وننتظر المزيد من قصائد هذا الشاعر المبدع رحمه الله

__________________
[flash= [url=http://www.qahtaan.com/works/up][img]]WIDTH=400 HEIGHT=350[/flash]http://www.shbab1.com/2minutes.htm
جرب هذا الرابط