إهداء للشيخ/ عمير بن فهد آل روق القحطاني..........أم رقيبة 1427هـ
بسم الله الرحمن الرحيم
هذه القصيدة مهداه للشيخ/ عمير بن فهد آل روق القحطاني بمناسبة مشاركته في مزاين أم رقيبه لعام 1427هـ
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ذعذع نسيم البراد من الشماليه=يسوق للحفل ريح العود ذعذاعي
ويسوق جزل السلام إلكم معزيه=وترحيبة بالضيوف ومجب الداعي
عند ابن عم يشوق العين طاريه=أبو فهد جعل ذكره دايم يشاعي
طرايف الشعر ما تنساق عفويه=ولا تجي من فراغ بيوت الأبداعي
يحرك الشعر وقفات بطوليه=في ساحة الحرب ولاّ طولة ذراعي
ولاّ فعول تنومس للعصاميه=أهل بيوت طوال أكناف ورفاعي
وعمير حاز المراجل والشهاميه=وأدرك مكان ينومس وافي الباعي
كرم وبذل ومواقيف سنافيه=ومال يجمل وشواش وجزاعي
يا حي هاك الحجاج القرم يا حيه=أنا اشهد إنه سبع ومورث سباعي
مثّل بني عمه ونومس عوانيه=والطيب ساس ما هو تقليد وصناعي
للناس في ساح بيته روحه وجيه=هداج تيما ما هو رس ونضاعي
يا عمير بنجيك لو انسير رجليه=مشي القدم لك ولأهل الطيب مطواعي
مبروك يا عمير فوزك واستمع ليه=فوزك لكل قحطان بكل الإجماعي
جينا نبارك لربع نارهم حيه=في كل عام لهم مشتى ومرباعي
ومنقية عمير صارت في الفضائيه=حديث كل البشر والضد ملتاعي
تعرض على شاشة الساحة مثاليه=ويوخذ لها لقطة لخيار الأنواعي
وضح سناد ومسموله ومنقيه=حلال شيخ لي صاد الزين ما باعي
لي حصل اللي لها في الوضح ماريه=في ذود عود تسوم الناس ما طاعي
أرهى الريال الهطل فوق الشريطيه=ثم جا بها واقنع اللي صعب الا قناعي
ساق الملايين فيها لجل هذيه=ومن شان صيت لربعه دايم يذاعي
هذي طراة الفلوس وذي الرجولية=يا اللي تجمع فلوس لجل ليداعي
ترا الدراهم مع الإنسان عاريه=مالك سوى ما بذلت بخير يا واعي
ومزاين الربع جايله قبوليه=واصبح حديث المجالس والتجماعي
بدا المزاين بمجهودات فرديه=من بو فهد والقروم جزال الأنفاعي
قحطان اسم كبير وله مكانيه=في الكون صيت قحطان يشق الأسماعي
لازم يصير المزاين له خصوصيه=ويكون له ميزة ويعّد له راعي
حتى يتعدا صداه أرض الخليجيه=ويعم طاري نجاحه كل الأصقاعي
يا بو فهد سربنا والنيه النيه=حقق هدف ربعنا قحطان وتطاعي
لازم ننفذ سواعدنا بجديه=ما عندنا في كلام دوين وكراعي
ما حن بنرضاء المواقيف الهوينيه=أبواب الأمجاد لاهل المجد شراعي
ولا حن بنحتاج كلمات دعائيه=تاريخنا ما يبيله كثر لماعي
الياكوينا عدو ننجح الكيه=وليا ذكرنا بنومه فز مرتاعي
وكل القبائل لهم وقفات ودعيه=ما نهضم حقوقهم والسيف قطاعي
وتجارنا العين فيهم بالمية ميه=عيوننا فيهم وفي الطيب أوساعي
ودعم المزاين عليهم شبه فرضيه=إلاّ وياجب يكون القرم نفاعي
نادوا الجحادر ونادوا في العبيديه=أهل المواقف رجال توفى الصاعي
ونادوا الهواجر بني عم هيافيه=وسنحان وشريف ربع طيبهم ذاعي
ونادوا رفيده ونادوا في الحبابيه=اللابة اللي تجيك عجال وسراعي
كل يشارك براي ودعم ماليه=ون كان شارك بنفسه قيل فزاعي
كل ابلج معتصب في الحقو جنبيه=ذيب سرا الليل طول الليل سوباعي
قصده يجمل بني عمه وصاليه=همه نجاح الحفل ما هو بطماعي
والشوشره مانبيها والمزاجيه=الحفل حفل الجميع بكل الأوضاعي
عساه يطلع بصورته الحقيقيه=وينومس شيوخنا تنظيم واسناعي
واللي دعم لازم نشكر مساعيه=وترفع له البيض شكر بكل مطلاعي
هذا حرار معربة مجانيه=وله في طوال الرجوم الصم ميقاعي
وجهة نظر ون حصل زله فعفويه=الآدمي لازم يخطي وينصاعي
حنا بدوا ما تغيرنا الرفاهيه=على ظهور المطايا نطوي القاعي
إلنا عوايد من الجدان محميه=وسلوم متوارثه في قصر وشراعي
قبائل المملكة فيهم حماسية =أهل أصاله سجية طيب وطباعي
لو ياصلون القمر غنو هجينيه=وشبوا المنارة ودقوا النجر لعلاعي
ون جاء حدود الوطن عدوان حربيه=ونادى الملك جاوبوه الشيخ والراعي
الدين والدار وملوك السعوديه=هذي ملازيمنا في سلم وصراعي
عهد حفضناه من عصر الهلاليه=ما حن نخون العهد والروح تنباعي
يعيش بو متعب وتحيا مباديّه=والله يديم الأمن في بر وقلاعي
واستغفر الله عن الزلات والسيه=واخص بأزكى صلاتي خير شفاعي[/poem]
الأستاذ الشاعر/ حامد بن غانم بن سعيد الجذع القحطاني
[/QUOTE]