[size=9]السلام عليكم ورحمه الله وبركاته ,
الرساله الى موجهه للأخ صقر نجد ( التسذووب )

يمكن الرد متأخر قليلأ وانا واثق تمام الثقه ان فيه من رد عليك بكلامك وغلطك في كثير من الامور وفيه من هم اعرف وابخص وادرى مني بس بحكم ان عتيبه خوالي ( الدعاجين ) انا قرأت كلامك وحصلته مزيج من الثقافه والفن ومزيج من البداوه والاميه وهذا دليل على عدم مصداقيتك في النقل والحديث وقلت كلام مايدخل العقل ولاتصوره عقولنا الباطنيه الا في الخيال وفي افلام الكرتون انا برد على عده نقاط تبين انك مو صادق ( من جنبها ) انا صرت اكتب مثلك اجاريك مره بالعامي ومره بالفصحى لعل وعسى يستنير عقلك الضحل وينور قلبك الحاقد على قحطان .

أولأ __ قحطان غنيه عن التعريف وقيل عنها الكثير من الاشعار ومن القصص التي لازالت محفوظه في الاذهان لقربها من الحقيقه والصواب ويكفي شاعر رسول الله صلى الله عليه وسلم وش قال في قحطان واعذرني اخوي صقر نجد قحطان اكبر واشرف من ان يكتب سيرتها واحد مثلك ولعلمك في السابق ماكانوا يسبون بعض شيوخ القبائل ارجع الى قصائد الشيخين محمد ابن هادي وتركي بن حميد واقرا واطلع قبل تتهور وتكتب اللامعقول ونوقفك عند حدك المهم ما ابي اطيل عليكم والنقاط هي الأتــــــــــــــــــــــــــي ....
1_ قلت ان ابن حميد دخل نجد بأربع افخاذ مادخل نجد بعتيبه كلها ومن سياق القصه ان ابن هادي سئل عن عتيبه وقال له ابن حميد انه تركهم في سجا .

2_ قلت ان ابن حميد لما دخل على ابن هادي وطلب منه الرعي في نجد طرده ان جوخته كانت تسحب ويوم طلع وصلت لركبته؟؟؟؟؟؟؟؟؟؟ انا خوفي بس ان ابن حميد انه مو شاري قماش اصلي ويومنه كان يتقهوى عند ابن هادي انتثر عليها ماء وكمشت ؟ يعني مايتصورها العقل والمعروف ان الجوخه وصلت الى فوق عرقوبه

3_ يوم احتلت عتيبه نصف نجد وذا حق ولابد ان يقال حتى لو الغلبه علينا علشان نكون صادقين مع انفسنا قبل نكون صادقين معك مارجعوا مره ثانيه للحجاز ويوم جاء الصيف السنه المقبله عودوا !!!! لايكون تحسب ان نجد لبنان ؟؟؟؟
لان عتيبه من احتلت نصف نجد مارجعت للحجاز واقاموا فيها على طول.

4_قلت ان ابن حميد رد الحصان والحلال لأبن هادي وابن هادي مارد بعير العتيبي وسبق وان قلت ان عتيبه يوم جت السنه المقبله لنجد وطلبوا من ابن هادي انهم يرعون اشترط هالشرط لانه خايف من عتيبه ومتعلم من الدرس الاول وانا اقول لك لو ابن هادي خايف او متعلم من الدرس الاول كان رد بعير العتيبي عليه واكتفا بالسلم بس يوم رفض وقامت الحرب دليل على قوة ابن هادي وشجاعته هو وربعه وللمعلوميه ترى مافي نجد من قحطان الا فخذ واحد وهم الجحادر عاد كيف لو جت قحطان كلها لنجد .
5_ قلت ان عتيبه قله قليله وكانت تهزم اقوى واكثر القبائل !!!! ما ادري هل في ذاك الحين عتيبه تستخدم الار بي جي وقذائف الهاون ؟؟؟؟

يا اخ صقر نجد الله ماشفناه بالعقل عرفناه انقد نقد سليم وتكلم كلام واقع لكي نقدر نرد عليك ونعلمك الحقائق وخل عنك الدجل والكذب صحيح كل واحد يفتخر بقبيلته ويبي انها تكون اقوى واشجع القبائل لاكن بالمعقول يا اخي مو تتقول كلام كبير وتهاجم وتسب وتغلط ولو ان كلامك صحيح ماكتبت هالكلام بمنتدانا منتدى قبيلة قحطاااااااااااااااان هذا ان دل يدل على انك حاقد وسوف تظل حاقد لحين يوم القيامه لأن قحطان هي الاولى في كل شي وفيه مثل يقول انت ممتاز بس في ظل وجودي تبقى المركز الثاني وهارد لك ياصقر نجد ...


عسى اني ماطولت عليكم ووفقت في الرد ,,,,,,,,,,,,,,,,

__________________
لـــي لابة لاقلت للخيــــل رده ,,, ترايعوا للهوش مثل الجمالــي
وفعولنا بالضــد كل يعــــده ,,, يعده الاول لنســـل التوالـــي

الشيخ/ محـــمد ابن هـــــادي. الله يرحــمه