السلام عليكم ورحمة الله وبركاته
لاهنت يابن عاصم وصحيح المنتدى يحتاج ذكر شيوخ آل حشر وبع ضمن مواقفهم ومعاركهم وانا بكتب الي اعرفه لكم من شيوخهم الشيخ عضيب وولده قاسي والشيخ خالد بن حزام والشيخ محمد بن سحمي والشيخ فيصل بن حزام وابنائه خالد وفلاح بس ترى على فكرة كان عنده قبلهم اثنين خالد وفلاح بعد بس ماتو في الغزو وابوهم فيصل مات على سجادته وهو ساجد يوم الجمعة واذامانيب غلطان كان في صلاة العصر وصلى عليه صلاة الغائب في المملكة وخالد معروف انه هو الوحيدالي طلب جرم قحطان وعطي طلبه ومحمد بن خالد وكان معروف بكرمه الزايد الله يرحمهم وكان يضرب المثل بخوة خالد وفلاح التالين والحين الي ماسك الشيخة عندهم الشيخ حزام بن خالد بن حشرومركزهم الهياثم. ونسل خالد وفلاح ومحمد للحين موجود الله يطول في اعمارهم وجعله نسل ماينقطع انشاء الله وجعلهم في طيب الاولين وازود قولواآمين تسلمون