تاريخ التسجيل: Nov 2004
الدولة: نـــــجد ديار عوااااال الشــايب
المشاركات: 1,489
(وان عتم عدنـــا)قصيده في االجحادر والحباب و...) اقلطو و واقرو.
يالله تخارجنـا مـن العقبـات واسبـاب الذهـاب
ومن قومنا اللي حطـت ايديهـا محـل ارجولهـا
لـو نتبـع النفـس الهواويـه ولـذات الشـبـاب
تمشي الليالي .. مـا سمعنـا غيـر رن حجولهـا
هيّضك ياصدري على الشطات مسموم الخطـاب
أللي يبـي تقصيـرة إللـي مـا يقصّـر طولهـا
وانت الذي لا مجت لاح البرق وانشـق السحـاب
يالصنعه اللي ما ارتكـز ساقـي علـى مدخولهـا
انت الشقاء وانت البقاء وانت العجب وانت العجاب
وانت الذي مـا صـرت ممكنهـا ولا معقولهـا
يُكّرم جناح الحُر عن صبغتك يا ريـش الغـراب
واهـل العقـول الله يهنيهـا بثـقـل اعقولـهـا
لافرت يادمي على سطرين شعر من (زهـاب) !!
وش عاد لو صفّت ودقّـت زيرهـا واطبولهـا ؟
قد شفت زمل إبلا زماميلٍ 00وركّب إبلا رِكاب ؟
كـذا البـلاد امـرهـا ولا التـفـت لخبولـهـا
واقدم وانا راسي صليب وقلب صـدري مايهـاب
والقى هوايل (قوم ماتُلقـى) واجـي واهولهـا !!
وانا تحامـى فـي عبيـده والجحـادر والحبـاب
وكل اقحطـان احمـا عليهـا واحتمـي لفعولهـا
ولا ينقّص في القبايـل مـدح صادقـة الجـواب
اللـي تخارٍجهـا بنادقهـا مـن اسّـود قولـهـا
معدال حقٍ عند مقطع حق فـي ضـرب ورقـاب
وقبالـة رجـال تشـل احمـول دون احمولـهـا
عشرٍ طرحناهـا وعشـرٍ لاضمـان ولاجـراب
والله يبيّـض وجـه معتقهـا ووجـه عدولـهـا
ان قام حظك قلت لك زله وشـاب القـاف شـاب
وان طاح حظك جـاك ناقضهـا معـى مفتولهـا
يوم اتشره قدر والصادق على صدقـه يعـاب 00
ولاّ نسيت اجروح صدري 00قبل دورة حولهـا ؟
والنعم فيك وفي بني عمـك ذيـابٍ مـن ذيـاب
وحنا اسود نلطـم انمـار العـداء واثعولهـا 00
مالك ومال القافلـه.. والليـل.. وانبـاح الكـلاب
خلّك يا(ياشاطـر) فـي تميستهـا وجُـرة فولهـا
البادي اضلم وانتـم الباديـن واعليـك الحسـاب
وانتم هـل الدعـوى وفيديكـم جميـع احلولهـا
رسالتك وصِلت 00وانا شاكر ك يا حظرة جناب :
(مغنّها)00 لومنت لاحولي ولاانـت بحولهـا !!!
وسلااااااااااااااااااااااااااااااااااااامتكم
اخووووووووووووووووووووووووكم
كحيلااااااااااااااااااااااااااااااااااااااااااااان ..