[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

في كل يـوم وكـل لحظـه وساعـه = أتخيل إن الموت واقف علـى البـاب
قانـع مـن الدنيـا وعنـدي قناعـه = ماعاد أبي مظهر ولا بشـت وثيـاب
أفرح إذا صوت الملـك فـي الإذاعـه = وأقول يالله تحفظـه ستـر وحجـاب
وتسعـد أذانـي بـالأذان وسماعـه = ويضيق صدري كل ماشفـت كـذاب
اللي يغش النـاس وسـط البضاعـه = ماخاف من ربـه عسـا يلقصـه داب
والاّ الصدوق اللي بوسـط الجماعـه = هذاك أعده واحـدٍ ضمـن الأقـراب
خلاص أخذت اليوم عنـدي إشاعـه = من مركز الدنيا طلع بعـض الأتعـاب
أول تعـب: رجـال خـان الوداعـه = وأثره على ماقيـل خايـن ونصـاب
وثاني تعب: رجـال يهـوى اللكاعـه = ويشوف نفسه من على راس مرقـاب
ولاّ حقيـرٍ عـاش وسـط المجاعـه = ويقول أنا فارس وأنا سيـد الأشنـاب
ولاّ ذليـل يكـره إسـم الشجـاعـه = مغرور في ذلّه ومعجب بـه إعجـاب
والشاري اللّي لاشرا الطيـب باعـه = هذا سوات اللـي يـودي ولا جـاب
واللّي نهـار اليسـر يفتـل ذراعـه = وليا أحتمى الموقف غدا كنّه غـراب
حقيقـه إن الوقـت كلّـه فضـاعـه = والناس من جور الزمن صاروا أحزاب
على العمـوم أقـول سمـعٍ وطاعـه = لأبوي وأمـي والنشامـا والأصحـاب
والاّ البقيـه مثـل بعـض الصناعـه = خايب مدامه خاب ما أقبل لـه عتـاب [/poem]

وسلامتكم جميع