السلام عليكـ اخوي شهوان
الحقيقه كلامك تقريباً يتكرر مدري يمكن معلوماتك وقفت لحد معين
المهم وياليت يكون عندكـ سعة صدر ودي اسألك وابي اجابات وافيه
س1 : - اصرارك على ان ال شهوان هم فقط الضياغم هل هو مبني على اسم شهوان لاني اخاف مع الوقت يطلع واحد ويقول نحن من الاشراف لان جدنا حسن المخضوب وينسبه الى الحسن بن علي
س2 :- هل من المعقول انتم فقط الضياغم والضياغم مثل مانعرف اشهر من نار على علم ولاكانت لكم اماره على بني هاجر حالهم حال الامراء مثل ابن شافي وابن بعيث وابن عايد وابن طعزه
س3: - اذا كنتم انتم الضياغم فقط ليه مايكون فخذكم اسمه الضياغم وانتم منتسبين الى قبيلتكم القحطانيه مو مثل عبدة شمر لانهم ينتسبون الى قبيلة شمر يعني هم معذورين بس انتم وش عذركم
واذا كان جاء ذكر القصيد وعدم ذكر الضياغم في قصيد شعراء بني هاجر مثل دغش بن سالم او ناشي بن حرفاش الكدادات وشعراء بني هاجر كثير بس حبيت اذكر اللي انت ذكرتهم فلان الشاعرين فريس ويذكرون فعولهم وافتخارهم بقيبلتهم اللي يشيلون اسمها اما ابن عفيشه الله يرحمه فكان يقول القصيد وهو كان اعمى ولايشارك من غير قصور فيه
والمعروف ان اكثر الكون او المناخ اللي يصير ماكان لال شهوان دور عدى القليل مثل حمد العوامي وفعوله
المقصد وانا اخوك مو تقليل من ال شهوان لا ولكن عشان نعرف ليه الشاعر يذكر بقصيده فعل ربعه اللي معه بالكون وشجاعتهم ودفاعهم عن قبيلتهم لان عمر ه ولاشاعر ذكر شريف بقصيده حتى قحطان 00يذكرون قحطان وقت المساعده ولكن وقت الكون او نهايته لا يذكرون غيرفعلهم وفخرهم بقيبلتهم
وبالنهاية انت ذكرت المؤلف المغيري
هذا المؤلف اذا كنت مقتنع فيه فانت ماقريت كتابه زين لانه مره نسب بني هاجر لقضاعه ومره نسبهم الى الاشراف
وهو مو محل ثقه
اخيراً :- حنا نتكلم لانه من غير المعقول ان السنين اللي مضت نحن واباءنا واجدادنا غلط وحمد الجاسر والمغيري وغيره صح
بالعقل من نصدق شايب يبي يعرف الولد اصله او كاتب كل همه شهره ومال
واعذروني على الغلط ان وجد