سطّرت قاف(ن) ما رقد فيه مكروه=للصاحب اللي سدد الدرب بخطاه
عساه في عزّه كما عزّة آبوه=في راس مرقاب(ن) عسير المظاهاه
يا صاحبي أبشر ترى القاف مشروه=يذكرك والنوح لا قدّه ولا انهاه
لولا الملامه لقول إنّه بغى يتوه=لا ترجم إحساس البعد بالمعاناه
هذا انت مشرف..حظ من هم يعرفوه=ما ينلحق معروفه بكفه اعطاه
الفكر صحصح يوم طالع به وجوه=وقام الشعر ينحت وينقش وينصاه
هب القصيد بشرهته.. قال(أيوووه=قلبي عليك إلتاع) يا راعي الجاه
انت الرفيق اللي تسامى وسمّوه=والله من وافر جزيلاته اعطاه
انت الصديق اللي تعلّى وعلّوه=ذرب المعاني.. مناة قلبي على لقاه
انت الخوي ونعم الخوي..لجله ولوه=نفسي على بعد الخوي عافت الآآآه
لو القصايد توفي حقوقه اعطوه=واجب على اللي بالرفاقه هو اغلاه
كان الفتى له بالحشا ود.. جازوه=واللي نوى.. يلزم معاني منقّاه
(الحر) ما له نظير ولا له شبوه=(الريش)و(المخلب)و(القرامه) مزاياه
إعذرني صرت بساحة المدح(م ش ب و ه)=إحساسي اللي جبرني وصغت معناااه



أخوي العزيز الشاعر عمر السخني سلمه الله

صح لسانك وبيض الله جهك وجعلك تسلم على هذا الموضوع

وصراحة أخونا فتى الجوه يستاهل العلوم الغانمه ويعجز القلم أن يعبر عن الغلا الذي في قلوبنا لفتى الجوه

عساه دائما سالم وغانم ومايشوف شر

أخوي عمر صراحه أنا لست شاعر ولكن أقتبست القصيده كامله لروعتها وأرجو أن تسمحلي بإهدائها الى فتى الجوه

تقبل فائق احترامي وتقديري لشخصك الكريم

أخوك /

كااسر

__________________