|
شماغ القرقاح ،، هــديـه للنادر فلاح .
بسم الله الرحمن الرحيم السلام عليكم ورحمة الله وبركاته .وبعد أخي العزيز الغالي شاعر قحطان العملاق / فلاح القرقاح حقيقه عندما رأيت عبر الموقع موقفك في حفل العتبان مع تركي المطيري وربعه ، عندما كسيت ربعك الموجودين من قحطان بشماغك على الملأ عندما أعجبتك وقفتهم في الصفوف شاش راسي وأرجو أن تقبل أنت وصبيان قحطان هذه الهديه البسيطه والقليله في حق الجميع . وهذا رابط الموضوع لمن لم يتابعه . http://www.qahtaan.com/vb/showthread.php?t=9405 صلو على النبي . [poem=font="Simplified Arabic,6,black,bold,italic" bkcolor="transparent" bkimage="backgrounds/2.gif" border="none,4,gray" type=2 line=0 align=center use=ex num="0,black"] والله إنه شاش راسي وطوّحت العقال = ولعن ابو راس ليا شاف فعلك مايشيش المواقف تحتميها صناديد الرجال = والعزيز يعيش بالعز ولاّ.. لايعيش كل موقف ياكحيلان له فعل ومقال = وأنت لك بالعز قول وفعل مايطيش يوم حمي الراس والصف للـــه الكمال =عشت ياذخر القحاطين وصفوفك تعيش وإن رميت شماغ راسك على روس الطوال = ربعك اللي بيّضو الوجه من ربع الدويش أنت وافي يابن عمي وراسك مايطال = شاش من طيبه ويفداه دُرم ماتشيش ! رايتك بيضا وعزك على شم الجبال= رافعه بأفعال قرمٍ على العليا يهيش وارثٍ المدح من روس ماضين الفعال = جد ابوك وجد جدك ولك جدٍ يجيش كل خافق بإسم فراج ليجاله مجال = تختلج فيه المشاعر على الذكرى عطيش فارسٍ سطر على العز مجدٍ مايزال = يوم كان العمر يجلب على خيل وجيش نحتمي يادرع جنبي ليا كبر المقال = بين عطران الشوارب وجا للدم رتيش صفنا ثابت ونرسي كما ترسي الثقال = شُمّخٍ صُمٍ صلافيح مافيها هشيش في جنوب وشرق وفجوجها غرب وشمال = ننثني بالقُب والحدب في اليوم الوحيش نكتب التاريخ سيرة ويكتبنا امتثال = واقعٍ ماغيّره جاحد وفكرٍ غشيش ! بالظفر والمدح عزّه وقدر وطيب فال= عهدنا من هود لا اليوم لآخر من يعيش والحقيقه ما نضيّع ولا نقطع وصال = كل حرٍ له مخالب وجنحان وريش ما على باقي العرب زود ذخر وراس مال = والاصايل فرقها مايعارضها الكديش والسلام ختام والنور من نور الهلال = واذكر الوالي وأصلي على صفوة قريش[/poem]
الشاعر / عبدالله بن شايع ال بوسكيته الزهيري القحطاني
|
صح الله لسانك يابو شايع سلمت ولا ندمت وابيض وجه لا عدمناك وابو محمد يستاهل وهو من كل طيب قريب وهو فخر لاقحطان جميع الله لايهينك ومشكور يالغالي اخوك/ |
صح لسانك وبيض الله وجهك
|
صح لسانك
ويستاهل ابو محمد ولاهي غريبه عليك |
الله الله عليك يا عبدالله ... جبتها بسرعه...ما شاء الله عليك ...... صح لساااااااااااااانك وعلا شاااااااااااانك وسلم بناااااااااااااانك .................. .................. الشهاده لله...القحاطين قروووم عيال قروووم ............................ ............................ انا شفت المقطع وكانت حامية ا****************س.... ... ... والموقف حكم ..................... لا هنت.........تقبل تحيات اخووووووك الشااااااااعر ((( عمر السخني ))) |
صح لسانك يابن شايع
وماقصرت وابيض وجه لا عدمناك |
أخوي ابن شايع
صح لسانك مدد ... و بيض الله وجهك ويستاهل أبو محمد الله يحفظه من كل شر و من يقرا ... و انا اشهد ان الراس يشوش لموقفه ... لأنه موقف عز ... الله يديم عز قحطان |
صح لسانك يا ابن شايع ويستاهل ابومحمد
|
السلام عليكم ورحمة الله وبركاته صح لسانك يابو شايع وابومحمد يستاهل ولاهي غريبه عليك حميتك يوم شاش راسك من المقطع . |
والله إنه شاش راسي وطوحـت الـعقال = ولعـن ابو راس ليا شاف فـعلك ما يشيش
أخوي عبدالله بن شايع ســلمــت ودمــت ولاهــنـت صح لسانك وبيض الله وجهـك وبيض الله وجه ابو محمد على موقفه ولايستغرب منه ومن امثاله من الرجال قصيده جزله من شاعر جزل لاخـــــــلا ولاعـــــدم لك فاائق احترامي وتقديري |
| الساعة الآن 10:42 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com