غنــــــــــــــــــــــــاة النفس
 

[poem=font="Simplified Arabic,5,black,normal,normal" bkcolor="sandybrown" bkimage="" border="none,4,gray" type=1 line=1 align=center use=ex num="0,black"]
اشوف العافيه ما هيب خفه=ولا هي كومة علاج (ن) تسفه
اذا الله رازقك بالستر دايم=ورازقك القناعه والمعفه
تراك بعافيه مير احمد الله =وعهدك مع ولي العرش وفه
لو ان كفوف هالعالم بكفك=يمين الله ماهي مثل كفه
هو اللي يعلم اسرار الليالي =يورث صفة(ن)من عقب صفه
وهو اللي يعلم اسرار الخفايا=يمد الك البخت والا يكفه
وهو اللي لا بقى الا لوجهه=اساله واستغيثه واستعفه
اساله يغفر لعثرة لساني =ليا خليت هاجوسي وشفه
وانا اللي شعري اسمى ما ملكته=وترجح كفيه بأيات كفه
اقفي عنه واشوفه اقبالي=وادقق بالطبيعه واستشفه
خذيته مهتوي وابرا الى الله=ما ادور من ورى ما اقول دفه
غناة النفس لا يعلى عليها=لو ان المال له هفه ونفه
وفعل الرجل ينبيك بمكانه=سوى انه داهيه والا مخفه
لو انها بالمظاهر شفت رجل(ن)=يعرف يسبل البشت ويلفه
وهو ما ينغزا به في المواقف=على بقعاء ليا عالت مرفه
ولو هي بالمظاهر شفت رجل(ن)=عليه شماغ عقل وثوب دفه
وهو نمر مضاريبه عطيبه=توقع جمرته في كبد حفه
وانا ادري الحظ له لعبه كبيره=يلف بوقتنا لفه ولفه
اذا الحظ ابتسم لك طاب فالك=تبين بسمته في كل شفه
وتقدرك القرايب والبعايد=وتبقى كتاب دين(ن) فوق رفه
واذا حظك تردى عزتي لك=ياجذك اللوم من ضفه لضفه
وتكرهك القرايب والبعايد=وتبقى بعين طارفهم مسفه
ومن يسعى لفعل الطيب دايم=ياخذه الطيب ويضمه لصفه
وماهو حكر لفلان الفلاني=ولا ياطى على العالم بخفه
من يدور عليه يدل بابه=لا شاف شروطه يقدم ملفه
ومن ضيع طريقه دل غيره=هبيل(ن) كل من مره يقفه
وختام الهرج ذكر الله تعالى =تكفي دفته عن كل دفه
اساله يغفر لزلة لساني =اذا خليت هاجوسي وشفه[/poem]

صح لساااااااااااااااااااااااانك



وعلا شااااااااااااااااااااااانك


وسلم بناااااااااااااااااااااانك


قصيدة جزلة من شاعر جزل المعاني


وفقك الله يالذيب

ابوعبدالرحمن






الله يبيض وجهك



واااااااااااااااااااافي





جعلني ما اعدمك

ارررررحب يا ابو عبد الرحمن

وصح السانك

وافي يا الذيب

صح لسانك مليون يابن شفلوت قصيده تحكي الواقع

عوض بن شــــــــــــــفلوت المنــــــــــــــاديه
مشرف الشعر النبطي

صح الساانك ملاين

مبدع

وانا متابع لكل ما تكتب

صح لسااااااااااااااااااااااااااااااانك

يا عوض ولاهنت على هالقصيده .

بيض الله وجهك ورحم الله شايبك.

صح لسانك ولا هنت يابو عبدالرحمن

بيض الله وجهك يا أبو عبدالرحمن
والله لا يهينك يااااااااااااااااااكحيلان
وهذي عادتك ما تجيب الأ الجزل





أخوك /أبن الوحش

فـــــــــــــتى الجوة


صح بدنك ولا هنت