شبكة قحطان - مجالس قحطان - منتديات قحطان - " عفت الشعر .. والشروق " صوت وصدى

عفت الشعر " للشاعر أبو فارس المرواني

[poem=font=",6,red,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] السلام المبتدا والشعر سوق=للمعاني يوم انا عنها وقفت

ياابوعزام الليالي ماتشوق=عقب خلي عفت نزف الشعر عفت

كل ماقالو عزا فز الخفوق=وكل ماجت سيرة الموت ارتجفت

ياعسى نار ن تشب بكل موق=كان مرت ذكرياته ماذرفت

كن قلبي قفر من دم العروق=خفت من ظلي وانا مايوم خفت

خفت اطول في الحياة وكل شوق=غير شوقي له لدربه ماعرفت

باقي ن مني بقايا من بروق=هل ماها في رياض اصلي وطفت

في ديار الذكريات اللي تشوق=روحي لروحه وللحزن احترفت

للرضا والصبر فكيت السبوق=وللتسخط والشكاوي مااقترفت

واعترفت ان الفنا للعبد طوق=وين ماوجه يلاقيه اعترفت

لكن الشعر ان هما بل العروق=ويوم بللها بالابيات ازدلفت

منك يامن تكسي ابياته عذوق=شجرة القاف وعلينا مااختلفت

صحبتك فيها عن العالم فروق=وقت حزن القلب للخوه وقفت[/poem]

الشروق " رد الشاعر عبدالعزيز الشاطري

[poem=font=",6,green,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] مرحبا بك عدّ ما بان الشروق=وعدّ ليلٍ من ظلامه التحفت

يابوفارس فالهواجس والطروق=لك سبوق فالاصايل لا عسفت

كلما مالت على العسرة تفوق=والعبت به وانت للحرف اصطرفت

حي حرفٍ فيه فنّ وفيه ذوق=وفيه حزن ومنه بالهم انجرفت

الليالي سرها فيه العقوق=تنحرف لك كل ما عنها انحرفت

والمصايب نار لكن الحروق=داخل الجوف المعذب وانت شفت

كم شقيٍ من مرارتها يذوق=تنفرج لو قال والله ماانْتصفت

وكم سعيد مهتني ما شاف عوق=يصدفه فالعمر مثل اللي صدفت

والنصيحة كلما يبست حلوق=مثل عدٍّ لا لقيته واغترفت

اعتبرها من صديقٍ لك صدوق=لو معانيك الثمينات استلفت

ما يصيبك ( بين خالق ومْخلوق )=يا حظيظك كان بالصبر اكتنفت

لو تحط الصبر لامسيت الغبوق=والصبوح الشكر لا قمت ارتشفت

تنعم بخير وسعادة ما تتوق=عن حياتك كان من همك نشفت

دام سقت الشعر لي والحزن سوق=جاك رد القاف لو بيتين ضفت

واجبي وآقوم في كل الحقوق=وانت عن حق الاخوة ما نكفت[/poem]

وسلاااااااااااااااااااااااااااامتكم