((((الشام تنزف))))
 

[poem=font="simplified arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]
[poem=font="simplified arabic,6,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]
اليا انتهض طير الغضب وابعد الحوم=شهر وحقق فالخضيرا هدفها
ماله هدف غير السمينه وملزوم=انه يسنن مخلبه في طلبها
والله غشاه اللوم واللوم واللوم=ان كان ماساق الثمن في عجبها
كله لعينا ماوقع في ضحى اليوم=جريمة تبكي العيون وهدبها
الشام ينزف من صوابه ومكلوم=وينخى رجالن ماتضيع نسبها
رجالن لها تاريخ شامخ ومرسوم=فيما مضى حازت معالي رتبها
من عهد ابوالقاسم وتأديبه الروم=تذكر مغازينا وتذكر عطبها
تشهد لنا مؤتة على كسرت القوم=وسيف الله المسلول خلص نشبها
ومن بعده الفاروق ياقوم ياقوم=فالقادسية حازها واكتسبها
وصلاح يومنه صهل وافرق السوم=ورد السليبه وادب الي سلبها
لو بشرح التاريخ واشهل الحوم=تفنى السنين وتتعب الي حسبها
لكن عسى الله ينصر الدين ويقوم=على ثرى دم الطفولة شربها
ولابد من وقفة صميدع وزيزوم=ياخذ بثار الي شكت من حربها
ويالله يالي عالم الحال قيوم =تنزل على الظالم سحايب غضبها
صواعقن تنشي كما الليل وتدوم=الين تمسح مابقى من سربها
وتنصر عبادن لك تناجيك وتقوم=مع حزة الاسحار تسمع طلبها
وصلاة ربي عد ماهل ديموم=على شفيع الخلق حزة كربها[/poem[/poem]]يوم السبت 5/7/1433هـ

رد: ((((الشام تنزف))))
 

صح لسانك ودام هتانك
ابيات على المسحوب قلت فيها واجدت بصدق الله ينصر الامة
ويزيل الغمة

رد: ((((الشام تنزف))))
 

موضوع شيق ومبدع

ارق التحايا
طيب اليمنا

رد: ((((الشام تنزف))))
 

صح لسانك
صح لسانك

قصيدة من اروع ماقرأت فيما يخص وضع اخواننا في سوريا

شكراً على هذه القصيدة

والله ينصر اخواننا المسلمين في سوريا

اللهم عجل بنصرك فقد طغى وبغى هذا الصفوي الخبيث

رد: ((((الشام تنزف))))
 

اللهم آمين
صح الله لسانك يابو علي