شبكة قحطان - مجالس قحطان - منتديات قحطان - يالله ياعالم جميع الخفايا

القيتها في حفل تكريم المحافظ مسفر ابن حسن الحرملي بالعرين
يالله ياعـالـم جمـيـع الخفـايـا
ياواحد"بيـده صـروف المقاديـر
تجيرنـي يـوم اجتمـاع البرايـا
بيوم"تشيب منه رووس المقاصيـر
ثم بعدها بحشد جيوشـي سرايـا
وبغزي على بيوت القصيده طوابير
باخذ خزاينهـا واسـوق المطايـا
شاعر واعد الجزل بين الشعاعيـر
فـي موقف"جولـه بعـاد النهايـا
لوبتـعـذر ماتفـيـد المعـاذيـر
سلام صافي من صـدوق النوايـا
تسليمة"فيهـا مـعـزه وتقـديـر
بعداد ماهلـت نصـوب الرفايـا
واعداد ماروض كستـه النواييـر
في حفل من قدم سميـن السوايـا
وفعله ينومسنا طويـل الاشابيـر
مسفر عريب الجد عذب السجايـا
الحرملي وجه السعـد والتباشيـر
كم حل من بين العرب من قضايـا
وكم قدم المعروف عند المناعيـر
من جاه يشكي من زمانـه خطايـا
وقف بفزعاته زبـون المخاسيـر
هـذا يعينـه لابلـتـه البـلايـا
وهذاك يزبن به على قمـه النيـر
لوجـه ربـي مايـدور عطـايـا
ماهو من اللي يحسبـون الدنانيـر
تلقى النشاما مثـل عـد الظمايـا
دايم على مجلسه ورد ومصاديـر
على الشحم ومجمعـات الشوايـا
والعود الازرق والدلال المباهيـر
تشهد له محايل شبـاب وصبايـا
وتشهدله المع في السنين المعاسير
ماهمـا روينـا ماتفيـد الروايـا
مشهور طيب ولايبي زود تشهيـر
يستاهل التكريـم رجـل الحمايـا
ويستاهل التقدير ريـف المساييـر
واختامهـا منـي صـلاه وتحايـا
علـى نبي"فسـر الحـق تفسيـر