|
رسالة عتاب
ألا ياوسيع البال لاضاق منك البال
تمعنت فيك اللغز وانهيت من حله أنا الهاجس الخافي وانا الفارس الخيال وانا اللي يعرف الدرب لاسار ويدله وانا اللي فقدتك يوم صديت يارجال وانا اللي رضيت الحمل في القاع واشله وانا اللي فتحت القلب لك وانت لك منزال وانا اللي يشوف الشين لا مر ويزله وانا اللي يفيده صبر لا جهلو الجهال وانا اللي يحكمه عقل وان تاه ماضله تفاجيت انا وياك ما قلت كيف الحال عيونك من الحقد امتلت جعلك العله علامك قصيت شعيل بالحمل يا الجمال وصرت انت يابن الناس من بار في خله حسافه على الماضي ويا وقفة الاطلال وخسارة على الفنجال لا راقت الدله انا ودي اعرف دامك الجاني القتال قتلت الفرح في داخلي وانتهى كله لقيتك وانا احسب السما تمطر الهمال وهي عين حزنن تمطر الدمع وتهله ولايقهرك يا الادمي مثل دمعن سال سببها من اللي يفقع القلب ويعله ترى مافهمتك زين والصبر ما ينطال فلا بوه صبرن يقهر الرجل ويذله واذا ماتبي ترسل ولا ترفع الجوال ابادق سلف الموتر الزين واتله بلاش التصنع والزعل وانت راس المال وانا مغلين جيتك ما ارختصها لله |
رد : رسالة عتاب
اررررحب يا محمد وبيض الله وجهك وصح لسانك والى الاماااااااااااااام
تقبل مروري ومشكور |
رد : رسالة عتاب
ترى مافهمتك زين والصبر ما ينطال
فلا بوه صبرن يقهر الرجل ويذله واذا ماتبي ترسل ولا ترفع الجوال ابادق سلف الموتر الزين واتله بلاش التصنع والزعل وانت راس المال وانا مغلين جيتك ما ارختصها لله صح الله لسانك وافي وقصيدك وافي تحيااااااااااتي |
رد: رسالة عتاب
صح لسانك قصيدة لاباس فيها واشكر الجميع
|
رد: رسالة عتاب
صح لسانك
|
رد: رسالة عتاب
اررررحب يا محمد وبيض الله وجهك وصح لسانك والى الاماااااااااااااام
تقبل مروري ومشكور |
| الساعة الآن 05:57 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com