|
حكومة تمشي لها في حكومه
هذي قصيده لابن جدلان في مدح الامير عبدالعزيز بن تركي بن سعود الكبير
ياناشـد ٍ عـن حالـي الحمـد لله انا خوي اللـي عسـى الله يدومـه سعـادة الرجـل الكرامـه بدنيـاه لـو ماعليـه إلا سمايـل اهدومـه يفـرح محبينـه ولايفـرح اعـداه والناس محد ٍ ميـت ٍ قبـل يومـه في ضف ابوتركي راع الوجه والجاه معه اخويـاه مقـدره وامحشومـه يتلى هوا عرب ٍ من البّـر مطغـاه سود ٍ لها فـوق المجاهيـم زومـه تلـع ٍ تلـوح اشناقهـا فالممـاراه كنها على قصر المضيف معزومـه في زينهـا كنهـا تباهـي مباهـاه وانفوسها عنـد المزايـد حدومـه ذود الامير اللـي زهاهـا وتزهـاه يقفى الربيع اليـا تتالـت اغيومـه لاجات خطوا خايـع ٍ ماحـد ٍ جـاه قفر ٍ مشاقيقـه تضاحـك انجومـه كن الزهر مثل البشـوت الموطـاه متشابك ٍ عشب السهل مع ارجومه علـى ارجومـه لأم سالـم مـلالاه متسلقي ٍ كن القطـا فـي اكمومـه ذوده الياشافـت خباريـه تـرعـاه علـى الربيـع موفقـه وامغنومـه ياطيب ابو تركي وياطيـب مجنـاه علـى خوالـه تاعبيـن ٍ عمومـه الخال ابـن عـواد بيضـه مبنـاه والجد من تعرف على الماء اوسومه من سلسلة حكـام نجـد المسمـاه عزوة راع الاجرب زمام الزعومـه شيخ ٍ تهاويـه المراجـل مهـاواه دايم على العليـا تسوقـه عزومـه حـر ٍ بطلعاتـه فجـوج ٍ نهـايـاه له من ورى حومات الاحرار حومه عويـن مـن وراه وقتـه اجفيـاه يحلـم وعيـت ماتحقـق احلومـه عبدالعزيز اللـي اطروقـه مخـلاه حكومة ٍ تمشي لهـا فـي حكومـه لو ملك قارون ٍ تحـت كفـه افنـاه الكـف هيلـع والروابـع طهومـه وان كان فالناس محرومه ومعطـاه الناس ماهي من عطـاه محرومـه |
رد : حكومة تمشي لها في حكومه
صح لسانك ولسان شاعرنا الفحل لاهنت ,,,
|
رد : حكومة تمشي لها في حكومه
اقتباس:
صح بدنك يابو مبارك والله يعطيك العافية ومن قال لا يهان وتقبل تحيات رعد الجن |
رد : حكومة تمشي لها في حكومه
صح لسانك ولسان شاعرنا الفحل لاهنت ,,,
|
رد : حكومة تمشي لها في حكومه
صح الله السانك يا بن جدلان
|
رد : حكومة تمشي لها في حكومه
صح لسان ابن جدلان ..
وشكر على الموضوع .. |
رد : حكومة تمشي لها في حكومه
اقتباس:
صح بدنك يابو مسفر والله يعطيك العافية ومن قال لا يهان وتقبل تحيات رعد الجن |
رد : حكومة تمشي لها في حكومه
اقتباس:
صح بدنك يابن قاسم والله يعطيك العافية ويستاهل بن جدلان معجزة الشعر وتقبل تحيات رعد الجن |
رد : حكومة تمشي لها في حكومه
اقتباس:
صح بدنك ياخالد والله يعطيك العافية ويستاهل بن جدلان معجزة الشعر وتقبل تحيات رعد الجن |
| الساعة الآن 12:12 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com