|
اصبحنا نحلم بحقوقنا !!!
السلام عليكم
كل عام والجميع بخير واعاده الله علينا وعليكم باليمن والبركات وتقبل الله منا و منكم صالح الاعمال .. ======= للترفيه والواقع المر : ياباني يسأل سعودي ..! ماهو حلمك الذي تنوي تحقيقه ..؟ اجابه بعد نفس عميق وتفكير .. ان يكون لدي عمل ..! وان اتزوج ..!! وابني منزلا ً!!!!! فقال الياباني بإستغراب واستهجان .. انا اتحدث عن احلامك وطموحاتك وليس عن حقوقك .!!! فضحك السعودي وقال ( اصبحنا نحلم بحقوقنا ) :017::017: |
رد : اصبحنا نحلم بحقوقنا !!!
السلام عليكم اخي فهد واسعد الله صباحك بكل خير
كل عام وانت بخير وتقبل الله منا و منكم صالح الاعمال الله يحلها |
رد : اصبحنا نحلم بحقوقنا !!!
كلام جميل وفي الصميم
لاهنت ياخوي فهد وكل عام وانت بخير |
رد : اصبحنا نحلم بحقوقنا !!!
والله إنه شيء مؤسف
شيء مضحك ومبكي صحيح أغلب شبابنا يبحث عن عمل وبيت وزوجة فقط ما فيه أي مجال للحلم بتحقيق أي إنجاز |
رد : اصبحنا نحلم بحقوقنا !!!
اقتباس:
الا فيه واحد من الشباب يقول يبي يخترع ويبي ينجز ويخدم البلد وهو فعلياً عقل منتج ماشاء الله .... حاولت اسأله عن بعض الامور العامه في المنتج اللي يبي يطوره طلع من جنبها قلت ليش كذا قال تعلمت كذا بالمدرسه !! وش تبيه يسوي يابو عبدالله !!! واعرف واحد ثاني من الشباب على مايقولون فلتة زمانه بالعقل والتفكير وحب التطور في كل شي حتى اذا شرب بيبسي قام يلفلف العلبه ويهذري علينا واحنا مو فاهمين ويقعد يقول لو الشركة استخدمت هذي الكمية من العلب في امر كذا وكذا او وضعت شكل العلبه كذا وكذا ليكون اكثر انسيابية << على سبيل المثال فقط وكل مايروح يبي احد يتبنى افكارة طلبوا عليه اوراق وختومات ومراجعه بعد مايموت !! الى درجة ان احد الدوائر الحكومية طلبت منه توقيع جده الخامس !! وش تبيه يسوي يابو عبدالله !! هذا امر الامر الاخر الدنيا متااااااااااااااااااااااااااااااااااع فلا يوجد امر اهم من امر في استمتاع الانسان مهما كان هذا الامر ... فالكل له نهاية وكل عقل له ميزان بإمر الله عز وجل .. هل رايت ياصديقي ان السعودي محروم من حقوقه البسيطه في نظرك فما بالك اذا اراد ان ينتج !!:021: ابو عبدالله صبحك الله بالخير توني مداوم ومتأخر وراقد زين ولاعندي عمل قلت خلني اهذري شوي مبطي من الكتابة ... تقبلني فزيارتك افرحتني . |
رد : اصبحنا نحلم بحقوقنا !!!
اقتباس:
شفت حال العزوبية يال معمر صلح لهم الموضوع والفكره :) مرحبا بك يابن دغيم وشكرا على تواجدك |
رد : اصبحنا نحلم بحقوقنا !!!
اقتباس:
ابو عصام الى متى وهذا حالنا نقول الله يحلها وبيسهلها الله .. الى متى ونحن نحلم بحقوقنا ..! |
رد : اصبحنا نحلم بحقوقنا !!!
فهد بن راجح
يا زين كلامك وسوالفك بالنسبة للموضوع تذكرت حاجة أتذكر كنا نسمع من أول إن فيه واحد من القرية مبدع وشاطر وتخرج الثانوي وراح يدرس في أمريكا ونسمع إن فلان عنده اختراع وإن فيه شاب سعودي سوى كذا وكذا وثاني اخترع كذا وكذا وووووووو ....الخ وفي الأخير : وني راحوا ؟؟ ما ندري بس نعرف إن الواحد منهم توظف وتزوج وفتح بيت وبس أخوي فهد حتى الحاسب والنت اللي نكتب فيه حتى الشماغ اللي تلبسه وحتى المفتاح اللي تحك فيه اذنك وحت القلم أبو نص بن كلها صناعة دول اخرى ولا فيه شي سعودي للأسف الدولة كانه هي اللي تقول دور لك على وظيفة وزوجة وييت وبس |
رد : اصبحنا نحلم بحقوقنا !!!
هلا اخوي فهد يعطيك العافية حقيقة مرة ربك يسهلها
|
رد : اصبحنا نحلم بحقوقنا !!!
تصبحون على خير
. . . . . نسيت اعرف واحد سعودي نسى نفسة انه سعودي .. حد يعرف رقم راعي البقالة الي في حارتنا ابشتكي من عماله ذبحونا بالغلاء |
| الساعة الآن 04:27 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com