ياااااابوي
 

قصيدة ارتجاليه





يابوي من يقطع وصاللك فناله

-----------عدو اله واضح وكاره وقطاع

مدام راسك حي كلش فداله

----------حالي ومالي والفكر فيك منصاع

ابغاك سالي فوق بفعا وداله

---------واناعلي اشيل همك والاوجاع

لوك تجامل كان دايم وصاله

---------وحطك وسط عينه وشالك من القاع

يبغاك مثل اللي قصيره حباله

-------اللي على الشده يجيله تفرقاع

ويبغاك دايم تمدحه بالجماله

---------وتصير له طول الدهر دوم مطواع

لكن شاف انها عليك استحاله

-------والذيب ماهو للضبع يخضع اخضاع

واللي معك يوصل لزوم نعناله

----------لوكان في دربه من الشوك واسباع

يابوي انا منك قريت الرساله

--------حفظتها وودعتها بين الاضلاع

علمتني كيف الرفيق انحمى له

-------يوم ان بعض الناس صابه تمطاع

وعلمتني وشلون نرفع خماله

---------ونصد عن كلمة قليلين الاسناع

وجنبتني درب الكذب والحياله

--------واشوم للي للمراجل لهم باع

ولانتبع اللي يفتخر في رياله

---------نعرف ترى في الضيق ماهوب فزاع

واللي يهين النفس واعزتاله

----------كرامة الرجال ماهيب تنباع

شالح بكى يابوي يومه بداله

---------ان ذيب بن شالح له الموت طماع

(واليوم انا ببكيك)جعل البقى له

--------راسك على فعل الجمايل له اشعاع

رد : ياااااابوي
 

ارحب مليوووووووون

ونعم فيك وفي شايبك وأشهد بالله أنا وصى رجال

صح لسانك وبيض الله وجهك قصيدك وافي وانت وافي

وشايبك راعي علوم تنومس وترفع بالراس

قريت النص مره ومرتين وعشره

لاتحرمنا جديدك يالقرم

حب لي خشم شايبك

تحياتي وتقديري

رد : ياااااابوي
 

بيض الله وجهك ياماجد
الذيب ماهو للضبع يخضع اخصاع
صح لسانك قصيده ناات اعجابي كثير

رد : ياااااابوي
 

ابوعساف ارررحب وارحب وارحب

ماعليك زود جعل ايامك سنين

رد : ياااااابوي
 

ارحب يابوحسين

ولاهنت على مرورك

رد : ياااااابوي
 

رد : ياااااابوي
 

اررررحب يارايد


ولاهنت على مرورك العطر

رد : ياااااابوي
 

مشكوووووور والله يعطيك الف عافيه

رد : ياااااابوي
 

صح لسانك

رد: ياااااابوي
 

محمد الرمثي لاهنت على مرورك