كذا كذا طعم الرفق ولاّ بلاش من الرفيق !!
 

مبطين منكم يالمطاليق






اعذرونا على هذه المتواضعه جلعها تروق لذائقتكم



[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]



رفيقي اللي ما يجملني ليا ضاق الطريق = واضحيت أشيل هموم بقعاء كلبوها من عناي
في ذمتي لأشطب تلفونه ولا عاده رفيق = وان كانني دقيت جواله عسى يقطع رجاي
مالي بخوة خاطر من علمي الطيب يضيق = يكنّ في داخله شيّ ما يقرّب له مداي
يضحك لي بسنّه ومشواره مع الضّحكة عريق = والغبن يسري في عروقه والحسد رايح وجاي
احصّله متصدّر المجلس ليا جيت الفريق = وان شافني قام يتلبّب لي ويظهر لي غلاي
والمشكله لامن عطيت الباب ما يمدي أويق = من طيب راسه قام يشذبني ويطعن في قفاي
تقول لامن جاتني النعمة توفّا له شقيق = همّه يعيّن زلة من خطوتي ولا حكاي
ما يدري اني ما حسبته فاق ولا ما يفيق = لكن انا معطيه كرت احمر .. وكلمة باي باي
ماني بقايل له ترا كلمتك هاذي ما تليق = ولاهو بسامع من لساني كلمه ووجهه وراي
أشووم عن مثله ولامن جيت اولعها حريق = ذكرت وشني في عيون الناس وش هو مستواي
وان كان ما عيّنت غيره في هذ الدنيا صديق = والله لأبقى طول عمري من خلايه في خلاي
ألقى بداله قرم .. له فالقمة العليا بريق = حرّ يلبي لي ليا احتجته قبل يسمع نداي
صداقة على النقا والطيب والساس الوثيق = وحفظ المروه والعنوه من وفاه ومن وفاي
ادراه وارفع قالته لانه كما الاخ الشقيق = وهو يساعدني على الشدات ويعزّز بناي
انومسه ولا اتسمع في جنابه خيق بيق = واسعى لكسب رضاه .. وهو يجتلد يبغى رضاي
كذا كذا طعم الرفق ولاّ بلاش من الرّفيق = والله يسلّم ساعة الشّدّة تبيّن لي اصدقاي !![/poem]

رد : كذا كذا طعم الرفق ولاّ بلاش من الرفيق !!
 

أشووم عن مثله ولامن جيت اولعهـا حريـق
ذكرت وشني في عيون الناس وش هو مستواي

وان كان ما عيّنت غيره في هذ الدنيا صديـق
والله لأبقى طول عمري من خلايه فـي خـلاي


صح لسانك يارايد

قصيده في محلها من الاعراب

وانت كفو واللي انت منهم كفو ياوجيه طلق

وتقبل ود بحر

رد : كذا كذا طعم الرفق ولاّ بلاش من الرفيق !!
 

لاهنت يارايد على هذا النص الأجتماعي

الجميل البوح به

تحياتي

رد : كذا كذا طعم الرفق ولاّ بلاش من الرفيق !!
 

رد : كذا كذا طعم الرفق ولاّ بلاش من الرفيق !!
 

رد : كذا كذا طعم الرفق ولاّ بلاش من الرفيق !!
 

صح لسانك يارايد

قصيده في محلها من الاعراب

وانت كفو واللي انت منهم كفو

رد : كذا كذا طعم الرفق ولاّ بلاش من الرفيق !!
 

رد : كذا كذا طعم الرفق ولاّ بلاش من الرفيق !!
 

صح لسانك والله لاهنت وتقبل مروري

رد : كذا كذا طعم الرفق ولاّ بلاش من الرفيق !!
 

ارحب يالقرم

وصح لسانك وبيض الله وجهك ياكحيلان على هذه الرائعه وعادتك لاعدمناك

الجزل والبيوت النادره

وحي والله اللي يقدر الرفيق ويقوم في قدره

الشهاده فيك يارائد مجروحه ولكن تأكد أنك شاعر ولك بصمه واضحه جدا

لاتحرمنا جديدك

تحياتي وتقديري لشخصك الكريم

رد : كذا كذا طعم الرفق ولاّ بلاش من الرفيق !!
 

صح لسانك القصيدة جات في وجه المعثور واعمته من جا على دربك لاترحمه وانت مطلق ولاتخاوي الا اللي مثلك 000 تقبل مروري وتعليقي