|
&&من نظمي "نصيحتي لكل جندي في الجيش متزوج"&&
[poem=font="Traditional Arabic,6,white,bold,italic" bkcolor="sienna" bkimage="" border="solid,medium,gray" type=1 line=1 align=center use=ex num="0,black"]
لا صرت متزوج وعندك بزارين=ووظيفتك في الجيش جندي خفارة ومتسلفن من كل جارن لك الفين=وراحت على توظيب ددسن غمارة اكتب كذا لوحة على البيت"مسكين"=يعني يمن تقرأ منعنا الزيارة ياضيف لاتبحث خفا صاحب الدين=خلّة يعاني لوعته وانكسارة اللي جداه انّه سكب دمعة العين=من يوم سمع الباب يقرع بداره[/poem] |
رد : &&من نظمي "نصيحتي لكل جندي في الجيش متزوج"&&
يا سلام
صح لسانك يالهبّاش :) |
رد : &&من نظمي "نصيحتي لكل جندي في الجيش متزوج"&&
صح لسانك يا فهد
وينطبق الحال على الموظف والمدرس والعاطل ... مثلهم مثل الجندي |
رد : &&من نظمي "نصيحتي لكل جندي في الجيش متزوج"&&
بس بظنتكم وش السبب لا تقولي غلى الأسعار او غيرها ؟
انا من واقع تعاملي مع ناس اعرفهم ورب البيت انه مضيع فلوسه على شيء ما يستاهل مع ان العسكر على ما اعتقد رواتبهم اكثر من رواتب المدنين اللي على البند ومع ذلك مكفيه لأنه يأخذ على قده بس كثر الهياط ماله داعي . روح شف البنوك وش أكثر عملائهم وربي كلهم عسكر من يتخرج طاق له يا طويل العمر قرض مبلغ وقدره وياليته على شيء يستاهل ولكن على كامري آخر موديل طيب ياخوي عندك سياره تمشيك لين تجمع دراهمك والتزوج قال لاااااااااا ليش خويي الفلاني عنده سياره جخ وانا لااا وبعد فتره جهاز جوال جديد لا ورب البيت شريحتين وجهازين قيمة الجهاز الواحد 1500 طيب وليش هذا كله وبالأخير مديون وربي اهوا اللي جنى على نفسه ويستاهل وخله في خفارته أرحم له ولاهنت ياخوي فهد عالقصيده وصح لسانك |
رد : &&من نظمي "نصيحتي لكل جندي في الجيش متزوج"&&
اقتباس:
مؤيد لكلامك مليون بالمائه يقولون التدبير نصف المعيشة |
رد : &&من نظمي "نصيحتي لكل جندي في الجيش متزوج"&&
كلامكم كله في محله..
انا بصراحة لاعسكري ولاحتى موظف في شيء.. بس اشوف شي غريب وغريب... يالله ممكن جت مداعبة ولكنها صارت نقاش... بس تبوون الصراحة جندي الجيش مظلووم مقارنة بجندي الامن.. لكن حسن التصرف في كل الامور واجب.. مو اول الشهر جوال اخر مانزل وقبل الراتب الكشااااف... الله يعين الجمييييييع... شكرا لكل من مر وعلق جزززززززيل الشكررررر... |
| الساعة الآن 08:42 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com