... سجــــة فكـــــر ...
 

السلام عليكم ورحمة الله وبركاته


مشاركة آمل أن ترتقي لمستوى الذائقة


[poem=font="Simplified Arabic,7,darkred,bold,normal" bkcolor="white" bkimage="" border="none,medium,gray" type=2 line=0 align=center use=ex num="0,black"]
مع غيبة الشمس علق فكري سراجه = نوى يسج الخيال ويطوي فجوجه
حرٍ وحريته فـ..حدود منهاجه = ورقيب ذاته يفلتر كل منتوجه
علق قيوده على الباقي من سياجه = وحطم حواجز طريقٍ عزّم يبوجه
ولانت الـ..عزمه جيوش السحر وافواجه = سحر البيان وبيان السحر ممزوجه
وبحر المعاني ضحك في وجهه حجاجه = الموجه اتزَف له واتزِف له موجه
بالروس قامت تناطح عالي امواجه = كنْهَا تنافس على خوّته وهروجه
لنّه لا خاوى القصيده جات وهّاجه = ولا طرق سمعها كلمات ممجوجه
يقول الاعصاب حطيها بثلاجه = واوعدك الابداع نتمشى على مروجه
وهي بعض الاحيان تقرب حروة إزعاجه = من الميانه وجيه الخوف مسهوجه
كنْهَا ما بين المحاني فوق زلاجه = صدره شمالي وهي عوبا ومرجوجه
واقل ما يقبله منها بمعراجه = عصماً لها حجةٍ ما هيب مفلوجه
وارقاب روسٍ من الاعجاب منعاجه = لفرايدٍ من خيال الفكر منسوجه
غير الصريح الصراحه سبة احراجه = يقول والصدق له لبواب مهجوجه
يا ليت ما الله كتب شوفه ولا امواجه = معَكْ يا بنت القصيد بعالي بروجه
باب الاحاسيس في قلبك بمزلاجه = قلب انتحاري نبت في صدر عمهوجه
ساقت من الـ..مدخله يحسب ومخراجه = الخطوه الـ..دارك. وعوّد ومنتوجه
مشيٍ بلا لازمٍ حاضي ولا حاجه = لو سميت تمشيه ترى اسمها دوجه[/poem]


وسلامتكم

عبدالل بن عايض بن رده الفهري

رد : ... سجــــة فكـــــر ...
 

ارحب يا بو عا يض بيض الله وجهك متميز تقبل مرورونا خوك

رد : ... سجــــة فكـــــر ...
 

رد : ... سجــــة فكـــــر ...
 

لاهنت على القصيده الطيبه


تقبل تحياتي ومروري