|
" فوح الضماير " رثاء الفقيد خالد البشري رحمه الله
بسم الله الرحمن الرحيم هذه إحدى محاولاتي في رثاء الأخ العزيز " خالد بن يحيى البشري " رحمه الله , أرجو أن ترقى لمستوى ذائقتكم , واستروا ما واجهتوا !! فوح الضماير بسم رب الكون علام الخواطر ***** أبتدي بالقول والنية مطية http://www.youtube.com/watch?v=rCSxXQpVoZoحضروا الأقلام وأبواك الدفاتر ***** والله(ن) ذا الليل ناوي لي بنية قاله اللي قبل ذي ما كان شاعر ***** لين ذاب القلب من فرقى خويه احترق معناه من فوح الضماير ***** كن في صدره حروب طائفية هاجسي من بين الاحيا لا تهاجر ***** مالك ومال المتاعب والبلية الالم والحزن يسري بالمشاعر ***** ضاقت الدنيا وهي كانت خلية فزعت القوات وكبار الدكاتر ***** والحرس والجيش وافراد السرية يسعفونه ما دروا إن الحظ عاثر ***** ما دروا انه بين أنياب المنية الله اختاره ورب العرش قادر ***** راضي حكمه ونفسي له رضية يوم جاني العلم فجَّرتْ المحاجر ***** دمعتي هلَّت وهي كانت عصية خابرٍ نظْرَتْهْ لي والله خابر ***** كل ليله مرسل(ن) طيفه عليه لايمي يا جعل يطعن بالخناجر ***** جعل ياجي له على الاضلاع كية خالد المحبوب والتاريخ عاطر ***** ِسعدْ والله بالوفا من هو سميّه يذكرونه يوم يقرون المحاضر ***** كم حبيس الدين فكَّتْه العطية والمساجد تذكره ويَّا المنابر ***** في صلاة الصبح ولَّلا في عشية ويذكره طفل حضر وسط المقابر ***** يوم دفنه حاضر والشمس حية إيتفقد لعبته في الليل ساهر ***** وإيتذكر لا خذا منه هدية ليت يرجع ثم بعيونه يناظر ***** دمعةٍ خرسا على خد البنية اغرقت بالدمع مكحول النواظر ***** جادل(ن) شابت وهي كانت صبية ترسل العبرات والنظرة تسافر ***** في شريط الذكريات الموسمية كم تهنَّت بالهوى والحب غامر ***** من يدينه زهرة العشق الندية حرَّمت بعده وهي من غير قاصر ***** حالفهْ ما بعده من الناس زيه والله ما تَّنلام يوم الهم كافر ***** يوم رَبَّعْ بين الاقواس الحنية آه يا قلب العنى يالِّلي تكابر ***** تحسب الدنيا حياة سرمدية ممِّن(ن) للوقت واثر الوقت غادر ***** ما حسبت الوقت شمَّات عليه بعد خالد بان لي وجه(ن) مغاير ***** بان لي من شدة الدنيا شوية بعد خالد ما بقى للسعد خاطر ***** لو ضحكنا ضحكة(ن) ما هي سلية الله أكبر كم تحديت المخاطر ***** لين جت لك وانت ما ترضى الدنية يا شهيداً نحسبه لله صابر ***** يفدي بلاده ويضحك للمنية أبشر برحمة كريم المد غافر ***** الله المطلوب هو جزل العطية نطلب المولى وهو للعظم جابر ***** يجبر قلوبٍ على ذكرك شِجية والصلاة على محمد خير حاشر ***** النبي المبعوث هو خير البرية الرجاء الدعاء للفقيد بالرحمة , فإنه في حاجة للدعاء وجميع موتى المسلمين , |
رد : " فوح الضماير " رثاء الفقيد خالد البشري رحمه الله
صح الله السااااانك
واسال الله العلي العظيم ان يرحم الميت وبيض الله وجهك |
رد : " فوح الضماير " رثاء الفقيد خالد البشري رحمه الله
صح لسانك يابومنصور
وبيض الله وجهك على هذا الوفاء الطيب والله يرحمه برحمة من عنده |
رد : " فوح الضماير " رثاء الفقيد خالد البشري رحمه الله
رحم الله خالد
رحمة واااااااااسعه |
رد : " فوح الضماير " رثاء الفقيد خالد البشري رحمه الله
الوفاء صفة من صفات العظماء وأنت منهم ، فيكف من صاحب ورفيق درب فلله درك حينما تحفظ الود ، ولله درك حينما تحرك المشاعر ، ولله درك حينما تقول شعر قاله اللي قبل ذي ما كان شاعر ***** لين ذاب القلب من فرقى خويه دائما في دواخلنا طاقات كبيرة ونحن نخرجها أو ندفنها يا شهيداً نحسبه لله صابر ***** يفدي بلاده ويضحك للمنية فلك جزيل الود ولك شكري وإحترامي وصح لسانك واعتلا شأنك ودمتم بودّ |
رد : " فوح الضماير " رثاء الفقيد خالد البشري رحمه الله
اقتباس:
صح بدنك وجزاك الله خير , وجهك ابيض اقتباس:
صح بدنك , وجهك أبيض ولا عليك زود اقتباس:
آمين , جزاك الله خير, اقتباس:
صح بدنك , وجزاك الله خير على حسن الظن بأخيك ونسأل الله أن يغفر للميت وجميع موتى المسلمين |
| الساعة الآن 05:09 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com