شبكة قحطان - مجالس قحطان - منتديات قحطان - يابو سعد عندي سفر للمنامه

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - يابو سعد عندي سفر للمنامه (https://www.qahtaan.com/vb/showthread.php?t=65091)

يابو سعد عندي سفر للمنامه

[poem=font="Traditional Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يابو سعد عندي سفر للمنامه=اذا سمحت ابغى ربوع ومعه سبت

انصى الكريم اللي يحب الكرامه =والخايب اعديه واقول له خبت

الامر في يدك وتملك زمامه =لا اعذرت غبت وكان مااعذرت ماغبت

اكل حلال الجهد مااكل حرامه=واذا دعاني داعي العز وجبت

ترى الموظف مايخلي دوامه= الا لا لحقه من ظروف الزمن كبت

الهم عاملني بجل اهتمامه=وكنه ينثرني بعد ماترتبت

واطوح اعقالي واطش العمامه=يوم اتذكر ماضي(ن) عنه ماتبت

اثر على طرفي وقذى منامه=هو ماتجنبني وانا ماتجنبت

لولا الهبوب اللي تسوق الغمامه=ماترجع الديره وماينبت النبت

شي(ن)نظامي مايخالف نظامه=شرقت له في كل ديره وغربت

اجيه من خلفه واجيه امن امامه=ولو دونه اطوال المسافات ماهبت

لي صاحب(ن) بيني وبينه علامه=لا جاتني منه على طول زهبت

اقارب الطيب وراعي الشهامه=ولا الردي لو يقترب ماتقربت

والمحترم يفرض علي احترامه=ومن قال لي ياطيب اقول له طبت[/poem]