عادات وتقاليد تعلمها حتى لا تحرج ..
بسم الله الرحمن الرحيم .. السلام عليكم ورحمة الله وبركاته .. الهدف من هذا الموضوع هو الثقافة ومعرفة التصرف في بعض المواقف التي قد يحرج الشخص إذا وقع فيها ولا أقصد انتقاص تلك العادات أو انتقاص أهلها فلكل بلد عادات غير عادات البلاد المجاورة ولكل قبيلة عادات قد تختلف عن عادات القبائل الآخرى ، ومن الآداب مراعاة تلك العادات عند أهلها طالما أنها من الأمور المباحة ولا تخالف أمر الشريعة كمثلا تقطيع اللحم للضيف : هذه كرم عند البعض لكنها عيب كبير عند آخرين فالشمري مثلاً عندهم عيب جداً أن تقطع له اللحم ، والمثل عندهم ( كل طير يشبع بمخلابه ) فيجب علينا مراعاة هذا الأمر وتجنبه عند اصدقائنا ومعارفنا من قبيلة شمر .. مثآل ثاني : عند العتبان العزيمه ماتكون للضيف تكون للمضيًف . يعني اناضفت عتيبي وحضر ربعه لكرامتي عند رفيقهم يعزمون رفيقهم ويقولون في عزيمتهم مثلا ( يابو فلان اللي هو المضيًف كرامة ضيفك عندنا الليله او بكره ) بحكم ان المضيًف يعرف ظروف ضيفه .. فيجب علينا تقبل الامر .. ...... هذه بعض التقاليد والعادات كتبتها على عجل لكي نستفيد منها ولا نقع في موقف محرج وأتمنى من يمر من هنا إفادتنا ببعض العادات التي مرت عليه ، نريد العادات في الوقت الحالي فقط أما العادات التي اندثرت فلا نريدها لأنها غير مقصودة في هذا الموضوع .. ـــــــــــــــــــــ ملاحظه :الموضوع ماهوب بدع راسي ولاكن نقلته لانه مفيد جداجدا .. تقبلوا تحياتي / فلاح :) |
رد : عادات وتقاليد تعلمها حتى لا تحرج ..
شكرا لك يافلاح وبيض الله وجهك
بالنسبة للشمري مايقهويك لين تقدع من التمر وتدف القدوع وراه تلاقي الفنجال جايك صاروخ وأذا ماتقدع من التمر ... تبطي ماصب لك الفنجال الا أذا كان واحد من خوياك ويعرف العادات والتقاليد لكل قبيلة والنعم بشمر وكل القبايل عز وفخر لنا جميعا |
رد : عادات وتقاليد تعلمها حتى لا تحرج ..
ارررررررررحب يابو فهد تراحيب الحيا ..
وجعلني والله ماعدمك على هذه الاظافه الطيبه .. |
رد : عادات وتقاليد تعلمها حتى لا تحرج ..
أرحب يا بو ناصر ..
بيّض الله وجهك على الموضوع .. فالسلوم تختلف من قبيلة إلى قبيلة .. فأحسنت الطرح حتى لا يقع أحد في إحراج .. لاهنت والله يعطيك العافية .. |
رد : عادات وتقاليد تعلمها حتى لا تحرج ..
اقتباس:
البقا والله البقا يابو علي .. ووجهك ابيض نفدآك .. وعزالله انك صادق ان السلووم تختلف والله ان حنا بعض لحيان انجيب العيد في الناس اللي مانعرفهم وحن ماندري ولاكن هم مقدرين وحن جاهلين سلمهم .. ولاكن ان شاء الله ان ذا الموضوع بنجني ثمره جميع .. القايل مايهون يا القرم ومرورك شرف .. اخوك /فلاح |
رد : عادات وتقاليد تعلمها حتى لا تحرج ..
لاهنت والاشنت يالقرم
ولاتجيب الا جزل العلم |
رد : عادات وتقاليد تعلمها حتى لا تحرج ..
ارحب يا ابو ناصر
ولاهنت على الموضوع وايضاَ بني خالد من سلومهم مايصبلك فنجال الا لين تقدع من قدوعه :( ونعم ببني خالد وبكل القبايل:) اخوك/عبدالله السحيمي |
رد : عادات وتقاليد تعلمها حتى لا تحرج ..
اقتباس:
القايل مايهون نفداك .. ولا عليك زووود ومرورك شرف .. |
رد : عادات وتقاليد تعلمها حتى لا تحرج ..
اقتباس:
سلـــــــــــــــــــــمه ولاهنت على الأضافه الطيبه والله ومليووون نعم في بني خالد .. مرورك يزود في الروح ..:) |
رد : عادات وتقاليد تعلمها حتى لا تحرج ..
هذا بعد عند قبيلة عتيبه ..
وهو تقليط الذبيحه بدون ( رقبه ) فيرجى استقبآل الامر واحترام عادات وسلوم القبائل .. في انتظار تفاعلكم مع موضوعكم ..:) |
الساعة الآن 10:41 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com