شبكة قحطان - مجالس قحطان - منتديات قحطان - قصيدة

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - قصيدة | جواب الاسئله (https://www.qahtaan.com/vb/showthread.php?t=62899)

قصيدة | جواب الاسئله

هي احدى قصايدي المتواضعه اتمنى ان تنال اعجابكم جميعا

واقول فيها

لاتبحث الخافي ترى القلب منصاب
كن السؤال بداخل القلب جمره

تلقا جوابه حايرن بين الأهداب
كانك فطين الحر تكفيه نظره

وكان السؤال عن ماجرالي من أسباب
عمر(ن) عثينا فيه طيش وزمره

أوعن عضيدن حال من دونه تراب
لاواحسايف ماأكل ثلث عمره

أوعن صديق العمر عن ناظري غاب
غرًبّ وعنا أنقطع كل أمره

أوعن حبيب خان والجرح ماطاب
أقفا وخلا بين الأضلاع حسره

أوعن جميل ضاع بأصحاب وأقراب
كل من نصيته دار لي عرض ظهره

أوعن رجال مفتًلت سود الأشناب
ضاقت بهم بيد الفيافي وبحره

أوعن وعن وعن تملابها كتاب
لو أنت قريته قلت ياقو صبره

لاتلحق العالم مشاريه وعتاب
والخاطر المكسور ياصعب جبره

دنيا ملاها الناس بخداع وكذاب
((أطيبهم اللي كافي الناس شره))
اتمنى ان تنال اعجابكم جميعا

وســـلامـــتــكم

رد : قصيدة | جواب الاسئله

أوعن وعن وعن تملابها كتاب
لو أنت قريته قلت ياقو صبره

صح السانك يا سعد القريني

وتقبل مروري

رد : قصيدة | جواب الاسئله

آأخووي سعد
صح بدنك ويعطيك العافيه ع الرد

رد : قصيدة | جواب الاسئله

ماجد
صح بدنك آأخووي :)

رد : قصيدة | جواب الاسئله

أرحب يا القريني ..

صح لسانك واعتلى شانك ..

قصيدة جزلة ووافية ..

رد : قصيدة | جواب الاسئله

لاتبحث الخافي ترى القلب منصاب *** كن السؤال بداخل القلب جمره

تلقا جوابه حايرن بين الأهداب *** كانك فطين الحر تكفيه نظره

صح الله لسانك ياسعد واعتلى شانك

ابيات جزله ومليانه ونحن ننتظر جديدك

رد : قصيدة | جواب الاسئله

صح لسانك وبارك الله فيك قصيده جميله جدا.

وتقبل مرورى يالغالي.

رد : قصيدة | جواب الاسئله

أرحب يا القريني ..

صح لسانك واعتلى شانك ..

قصيدة جزلة ووافية ..

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود