شبكة قحطان - مجالس قحطان - منتديات قحطان - هية ( ضبط السمره) بين ال عاطف و يام وشجاعة سبعة فرسان من ال سعيدان .

- مجلس فرسان قحطان (https://www.qahtaan.com/vb/forumdisplay.php?f=5)

هية ( ضبط السمره) بين ال عاطف و يام وشجاعة سبعة فرسان من ال سعيدان .

بسم الله الرحمن الرحيم
هذا الموضوع ( هية ضبط السمره بين ال عاطف والوعلة يام )
برواية احد احفاد العقيد الفارس علي بن راجح بن القينه العطافا ال شريم ال عاطف بروايه شيبان من ال العرجاء الوعله يام رواية من شيبانهم وفرسانهم اللي حضروا هذه المعركة يقول الراوي :
هية ضبط السمره يقولون ان فيه سبعة من ال سعيدان شيوخ ال عاطف على راس الشيخ الفارس مسفر بن هادي بن سعيدان في الجفرة في ضواحي العين ( عين قحطان ) ) جنوب وادي الدواسر وشرق تثليث وجاو فرسان من قبائل الوعله يام وغيرهم من قبائل يام الاخرى غزو يقولون انهم (ماية فارس ) بقياادةأربع عقداء
وهم الشيخ الفارس ابراهيم الاسلومي احد شيوخ ال عامر
والشيخ الفارس مجهار بن فرج شيخ ال مرهم ال العرجاء
والشيخ الفارس علي بن شاجع احد شيوخ ال رزق
والعقيد الفارس محمد بن فاطمه ال العرجاء
ومعهم فرسان من قبايلهم واجد ( عددهم يفوق الوصف من كثرتهم ) ومنهم الخيّال والرجلي وارسلوا وشافوا الابل وقالوا للسبور:

( ان كانها ابل ال سعيدان مانبيها )
يعرفون انها ماتروح المهم السبور ارجعوا لهم وقالوا :
(ماهي بابلهم )
ماادري اغتروا والا متعمدين المهم غاروا وخذوا الابل ولحقوهم ال سعيدان على ضبط السمره الواقع في العلم وذبحوا منهم ناس واجد وكانت عزوتهم ((خيال البويضا انا خودقله يا باغي المنع ))
حتى فكوا ابلهم من يام حتى ان فيه واحد من يام يقول للفرسان اللي معه :
( يالعن ابيكم خلوا ابل اخوان دقله والله ماتروحون بها )
واحتموا ال سعيدان لابلهم في واحده من اشهر المعارك بين القبيلتين

والكلام هذا مثبوت وراويه حتى ناس من ال العرجاء يام رواية عن شيبانهم اللي حضروا المعركة..

##بعض التعليقات :
##( عين قحطان ) :تقع جنوب وادي الدواسر وشرق تثليث تقريباً.
## ( الوعله يام ) : هم قبائل من يام مشهورين بالشجاعة والاقدام والقوة والكرم ومنهم على سبيل المثال ال العرجاء وال فهاد وال رشيد وال فطيح وال فروان وال مطلق وغيرهم.
## ( خيال البويضاء انا اخو دقله ) : هي عزوة الشيخ الفارس مسفر بن هادي بن سعيدان و عزوةابنائه وابله تسمى ( البويضاء ) وهي ابل عفر ( مغاتير ) من اطيب سلالات الابل في وقتها .
## ( المنع ) اي الاسر ( اسير المعركة ) واسير المعركة يسمى منيع .
## من شيم الفرسان الشجعان الاعتراف باعدائهم وقوتهم وايضاح مايدور بينهم على ارض الواقع بكل صراحه من غير نقصان او زياده
.

تقبلوا فائق احترامي .