>>>> مطلق الدسم <<<<
 

صلوا على النبي
,
,
,
,
,
[poem=font="Simplified Arabic,5,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


الله يعــــوضنا بخــــــير في قصيـــــد نكتبه=في مدح شيخان من الطـــالات مانالـوا قسم
مجـــرد بشوت تسحب من كنب لا مــــــرتبه=يبون نعم بلا فعل والنعم مايعـــــرف باسم
يشـــــوفون نعم برزة المشلح وجيب مركبه=بعد كفالات تعــــدد لاجـــــل تعريف ورسم
حياتهم ديكــــــور والا الحــــال مالقاله شبه=الا موظــف بنــــــد روح راتبه كــــــله حسم
لو جربـــــوا حكـــاية التمثيل نالـــــوا مرتبه=وتجـــاوزوا تهـــريج ابو مطلق مع شلة قسم
ياشيخ عـــذرا والقصيد احســاس خلك منتبه=الراس لامن صار يطنخ يتعب اعضاء الجسم
والمــــدح ردة فعل طيب ونعـم اول مكسبه=مواقف تكتب بــــدافع مجد تاريخه وســــــم
بكتــاب عــــــز ما يدرس او يبــــــاع بمكتبه=تجسيد مــــلا غــــبر الشـارب ماقربه الدسم
الشعر رجل في المواقف لاعتزى مس شنبه=ولا يحركه ان سكــــن الا مثل فعـــل الدسم
مطلق له من الاســــــم هذا كـل معنى رتبه=مع بني عم ومع الاجنـــاب كم ساعة حسم
وقف وسطـــر ماقف تاريخ الامجــــــاد كتبه=مواقف تعجز الرجـــــال من جـــــــر النسم
اليا دنى السيــــاف يغمـــد سيفه بعتق رقبه=وتباشروا اهل السجين بجيته بشــــرى وسم
تقول كن الله خلــق لاجل الشـــــدايد منكبه=وكن المراجل للبشـــر قسمين وله اكبر قسم
شعر ما يكتب في مثل شــــرواه لاجيت اكتبه=ماكنه الا من حليب السـوق خالي الدســــــم[/poem]

رد : >>>> مطلق الدسم <<<<
 

رد : >>>> مطلق الدسم <<<<
 

رد : >>>> مطلق الدسم <<<<
 

ارحب ياحسين والله يحييك ويحيي ماجيت به

مطلق الدسم العاطفي انشهد انه يستاهل

والرجال هذا جانا الشهر الي فات وحنا قبيله ال قريش نعد العده للصلح معى عتيبه جانا وعرفنا على نفسه وهو معروف القحطاني

وقال مانصه

الي جابنا ياقحطان الحميه والفزعه وهذا مليون ريال تحت تصرفكم وين رجال ذي علومه الرجال مانعرفه ولايعرفنا الا بالذكر وهذي فزعته ياولي به رجال

( وانشهد ان قصيدتك ياقحطاني حطيتها في من يستحق )

تحياتي لك ياقرم

رد : >>>> مطلق الدسم <<<<
 

الخ العزيز الشاعر

حسين الحبابي

قصيده طيبه وانت اطيب

والدسم دسم على اسمه

صح لسانك والدسم يستاهل

المدح واكثر

رد : >>>> مطلق الدسم <<<<
 

بيض اللة وجهك واللة يستاهل مطلق وخونايف الدسم واللة انهم مع قحطان خاصة وعامة واللة انه وقف معنا عندما مرض والدي وحضر شخصيا قبل المغادرة لدولة الصين ويتشرف أنشاللة هو اخوه نايف في حفلنا في طريب ووعدنا بلحضور واللة يحيك انت والمطاليق شرواكم

رد : >>>> مطلق الدسم <<<<
 

اخوي رائد بن نملان

انت من اجمل هدايا الشعر

لاعدمتك

رد : >>>> مطلق الدسم <<<<
 

رد : >>>> مطلق الدسم <<<<
 

تقول كن الله خلق لاجـل الشدايـد منكبـه
وكن المراجل للبشر قسمين وله اكبر قسـم
شعر ما يكتب في مثل شرواه لاجيت اكتبـه
ماكنه الا من حليب السـوق خالـي الدسـم



أخ حسين صح لسانك

ومن يعرف أبو ناصر ومواقفه المشرفه لقحطان كل قحطان يشعر بالفخر لما لهذا الرجل من مكانة في نفوس الرجال الشرفا .

تقبل تحياتي

رد : >>>> مطلق الدسم <<<<